IZaga 27:1-27
27 Ungazitshayi isifuba ngelakusasa,Ngoba awukwazi ukuthi ilanga ngalinye libuya liphetheni.*+
2 Yekela omunye umuntu akuncome hatshi umlomo wakho,Akube ngabanye abakuncomayo hatshi izindebe zakho.+
3 Ilitshe liyasinda, letshebetshebe inzima,Kodwa ukucatshulwa yisiphukuphuku kusinda ukwedlula kokubili.+
4 Ulaka lulesihluku njalo ukuzonda kunjengesikhukhula,Kodwa ngubani ongawumela umhawu?+
5 Kungcono ukukhuza umuntu ungambhodi kulokuba lothando kodwa ungalutshengisi.+
6 Amanxeba abangelwa ngumngane athembekile,+Kodwa isitha siqabuza kanenginengi.*
7 Osuthiyo uyalwala uluju oluthonta ezinhlangeni,Kodwa kolambileyo lokubaba gamu kumnandi.
8 Umuntu otshiya umuzi wakheUnjengenyoni etshiya* isidleke sayo.
9 Amafutha lempepha* kwenza inhliziyo ithokoze;Unjalo umngane okweluleka ngeqiniso.+
10 Ungamlahli umngane wakho loba umngane kayihlo,Njalo ungangeni endlini yomfowenu ngosuku lokuhlupheka kwakho,Ungcono umakhelwane oseduze kulomfowenu okhatshana.+
11 Ndodana yami hlakanipha uthokozise inhliziyo yami,+Ukuze ngenelise ukuphendula lowo ongichothozayo.+
12 Umuntu ohlakaniphileyo uyayibona ingozi acatshe,+Kodwa ongelalwazi uqhubeka eqonda kuyo abesethwala nzima.
13 Thatha isigqoko salowo othembisa ukuthi uzabhadalela umuntu angamaziyo isikwelede,Mthathele abambise ngakho nxa lokho ekwenzele owesifazana wesinye isizwe.+
14 Nxa umuntu ebingelela* umakhelwane wakhe ngelizwi eliphezulu ekuseni kakhulu,Kuzathiwa uyamthethisa.
15 Umfazi othanda ingxabano* unjengophahla olunethela kokuphela nxa izulu lisina.+
16 Loba ngubani ongenelisa ukumkhuza, angawukhuza lomoya,Njalo angawabamba xhaka amafutha ngesandla sakhe sokudla.
17 Njengoba nje insimbi ilola enye insimbi,Lomuntu uyamlola umngane wakhe.*+
18 Onakekela isihlahla somkhiwa uzakudla izithelo zaso,+Lalowo onakekela inkosi yakhe uzanikwa udumo.+
19 Njengoba nje umuntu ebona ubuso bakhe emanzini,Lenhliziyo yomuntu iyatshengisa ukuthi inhliziyo yomunye injani.
20 Ingcwaba kanye lendawo yokubola* akusuthi,+Lamehlo omuntu kawasuthi.
21 Isiliva legolide kuncibilikiswa ngomlilo ukuze kuhlambuluke,+Lomuntu ulingwa yikunconywa akutholayo.
22 Lanxa ungaze usichole ngembokodo isiphukuphuku,Njengamabele acholiweyo aselitsheni lokucholela,Ngeke buphume ubuphukuphuku baso.
23 Kumele usazi kuhle isimo somhlambi wakho.
Zigcine kuhle* izimvu* zakho.+
24 Inotho kayihlali ikhona kokuphela,+Lomqhele kawuhlali ukhona kuzo zonke izizukulwane.
25 Utshani obuluhlaza buyaphela kuhlume obutsha,Okumila ezintabeni kuyabuthelelwa.
26 Imvana ezinduna zikunika izigqoko,Impongo ngezokubhadala intengo yensimu.
27 Kuzakuba lochago lwembuzi olukweneleyo,Luzakwenela imuli yakho kanye lamantombazana akusebenzelayo.
Amabala angaphansi
^ NgesiHebheru, “lizazalani.”
^ Ezinye inguqulo zithi, “okwamangamanga; okokubamba ngamandla.”
^ Kumbe, “ebalekela.”
^ Khangela iNgcazelo Yamabala.
^ NgesiHebheru, “ebusisa.”
^ Kumbe, “ohluphayo.”
^ NgesiHebheru, “ulola ubuso bomngane wakhe.”
^ Kumbe, “IShiyoli le-Abhadoni.”
^ Kumbe, “Nanzelela.”
^ Kumbe, “Beka inhliziyo yakho ezimvini.”
