IHubo 9:1-20
Kumqondisi wokuhlabela; ngetshuni yeMuthilabheni.* Ihubo likaDavida.
א [Aleph]
9 Awu Jehova, ngizakudumisa ngenhliziyo yami yonke,Ngizakhuluma ngayo yonke imisebenzi yakho emangalisayo.+
2 Ngizathokoza ngijabule ngenxa yakho,Ngizahlabela ngidumise ibizo lakho, wena oPhezukonke.+
ב [Beth]
3 Nxa izitha zami sezibaleka,+Zizakuwa zife phambi kwakho,
4 Ngoba uyangilwela ukuze ngahlulelwe kuhle,Uhlezi esihlalweni sakho sobukhosi usahlulela ngokulunga.+
ג [Gimel]
5 Ukhuze izizwe,+ wabhubhisa abenza okubi,Wacitsha ibizo lazo kwaze kwaba nini lanini.
6 Isitha sesitshabalele, asisoze siphinde sibe khona.
Uwadilizile amadolobho aso,Asisoze sikhunjulwe futhi.+
ה [He]
7 UJehova uzabusa kuze kube nini lanini,+Isihlalo sakhe sobukhosi usimise saqina njalo uhlala esahlulela kuhle.+
8 Uzakwahlulela umhlaba ngokulunga,+Ahlulele izizwe ngendlela eqondileyo.+
ה [Waw]
9 UJehova uzabavikela abantu abahlukuluzwayo,+Uzabavikela ngezikhathi ezinzima.+
10 Labo abalaziyo ibizo lakho bazathembela kuwe,+Awusoze ubatshiye labo abakudingayo, awu Jehova.+
ז [Zayin]
11 Hlabelani lidumise uJehova, yena ohlala eZiyoni,Tshelani abantu ngezenzo zakhe.+
12 Kasoze akukhohlwe ukukhala kwalabo abahlukuluzwayo,+Uzabakhumbula aphindisele kulabo abababulalayo.+
ז [Heth]
13 Woba lomusa kimi awu Jehova, ubone ukuthi abangizondayo bangihlukuluza njani,Wena ongikhipha emagedini okufa.+
14 Lapho-ke ngizakhuluma ngezenzo zakho ezimangalisayo emagedini edolobho leZiyoni,*+Ngizathokoza ngoba ungisindisile.+
ז [Teth]
15 Izizwe ziwele egodini eziligebhileyo,Zibanjwe yinethi ebezithiye ngayo.+
16 UJehova waziwa ngezahlulelo zakhe.+
Umuntu owenza okubi uthiywa yimisebenzi yakhe emibi.+
Higayoni.* (Selah)
י [Yod]
17 Ababi bazakwehlela engcwabeni,Yikho lapho okuzakuya khona zonke izizwe ezikhohlwa uNkulunkulu.
18 Kodwa uNkulunkulu kasoze abakhohlwe abayanga,+Lethemba labamnene alisoze litshabalale.+
כ [Kaph]
19 Sukuma awu Jehova, ungavumeli abantu banqobe.
Kwangathi ungazahlulela izizwe.+
20 Benze besabe awu Jehova,+Yenza izizwe zikwazi ukuthi zingabantu nje. (Selah)
Amabala angaphansi
^ Khangela iNgcazelo Yamabala.
^ NgesiHebheru, “endodakazi yeZiyoni.”
^ Khangela iNgcazelo Yamabala.
