IHubo 59:1-17
Kumqondisi wokuhlabela; lihamba lomculo othi “Ungabhubhisi.” Imikhithamu.* Lihubo likaDavida, uSawuli aze athume abantu ukuthi bayelinda indlu kaDavida ukuze bambulale.+
59 Ngikhulula ezitheni zami, awu Nkulunkulu wami,+Ngivikela kulabo abangivukelayo.+
2 Ngikhulula kulabo abenza okubi,Ungisindise ebantwini abalodlakela.*
3 Awu Jehova, khangela bayangicathamela,+Abantu abalamandla bayangihlasela,Lanxa ngingahlamukanga futhi ngingonanga lutho.+
4 Lanxa ngingenzanga lutho olubi bayagijima balungele ukungihlasela.
Nxa ngikubiza, ngicela usukume ubone abakwenzayo ubusunginceda,
5 Ngoba wena Jehova Nkulunkulu wamabutho, unguNkulunkulu ka-Israyeli.+
Sukuma uhlole zonke izizwe.
Ungabi lesihawu kubathengisi abalolunya.+ (Selah)
6 Babuya nsuku zonke ntambama,+Babhode idolobho lonke+ bekhonkotha* njengezinja.+
7 Zwana okuphuma emilonyeni yabo,Izindebe zabo zinjengenkemba,+Bathi: “Ngubani osizwayo?”+
8 Kodwa wena Jehova uzabahleka,+Uzazihleka zonke izizwe.+
9 Wena Nkulunkulu wami ungamandla ami, ngizahlala ngikulindele,+Ngoba uyindawo yami yokucatsha evikelekileyo.*+
10 UNkulunkulu olothando oluqotho kimi uzanginceda,+Uzakwenza ukuthi ngibone ukunqotshwa kwalabo abayizitha zami.+
11 Ungababulali ukuze abantu bakithi bangakhohlwa.
Ngamandla akho benze bazulazule.
Benze bawe, Jehova hawu lethu.+
12 Kwangathi ukuzigqaja kwabo kungabagwenxa,Ngenxa yokuthi bayona ngalokho abakukhuluma ngemilomo yabo,+Bayathuka futhi bakhulume amazwi obuqili.
13 Baqede bonke ngolaka lwakho,+Baqede bonke bangaphindi babe khona.
Benze bazi ukuthi uNkulunkulu uyabusa phezu kukaJakhobe kuze kuyefika emikhawulweni yomhlaba.+ (Selah)
14 Kababuye ntambama,Babhode idolobho lonke+ bekhonkotha* njengezinja.
15 Benze bazulazule bedinga ukudla,+Ungabavumeli ukuthi basuthe loba bathole indawo yokuhlala.
16 Kodwa mina ngizahlabela ngikudumise ngenxa yamandla akho.+
Ekuseni ngizakhuluma ngothando lwakho oluqotho ngithokoza,Ngoba uyindawo yami yokucatsha evikelekileyo,+Lendawo engibalekela kuyo nxa sengisebunzimeni.+
17 Nkulunkulu wami ungamandla ami, ngizahlabela ngikudumise,+Ngoba uyindawo yami yokucatsha evikelekileyo, njalo ulothando oluqotho kimi.+
Amabala angaphansi
^ Khangela iNgcazelo Yamabala.
^ Kumbe, “abomele igazi.”
^ Kumbe, “behwabha.”
^ Kumbe, “ephakemeyo.”
^ Kumbe, “behwabha.”
