IHubo 55:1-23
Kumqondisi wokuhlabela. Kumele lihlatshelwe kutshaywa iziginci. Imaskili.* Ihubo likaDavida.
55 Lalela umthandazo wami, awu Nkulunkulu,+Ngilalela lapho ngicela ukuthi ube lesihawu kimi.*+
2 Ngilalela ungiphendule.+
Uhlupho lwami lwenza ngingahlaliseki.+
Ngikhathazeke kakhulu,
3 Ngenxa yalokho okukhulunywa yisitha,Langenxa yokucindezelwa ngababi.
Bangithwalise nzima,Njalo bayangizonda kakhulu.+
4 Inhliziyo yami isebuhlungwini,+Ngiyesaba ukuthi bangangibulala.+
5 Ngifikelwa luvalo lokuthuthumela,Ngiyaqhuqha ngenxa yokwesaba.
6 Ngihlala ngisithi: “Aluba bengilempiko njengejuba,Bengizaphapha ngiyehlala endaweni evikelekileyo.
7 Bengizabaleka ngiye khatshana,+Ngiyehlala khonale enkangala.+ (Selah)
8 Bengizabalekela endaweni evikelekileyo,Khatshana lomoya ovunguzayo, khatshana lesiphepho.”
9 Baphithanise amakhanda awu Jehova, wenze amacebo abo afadalale+Ngoba ngibone udlakela, abantu besilwa edolobheni.
10 Bahamba phezu kwemiduli yalo ubusuku lemini,Phakathi kwalo kugcwele ububi lezinkathazo.+
11 Sekungumonakalo wodwa edolobheni,Abantu bayaqilwa futhi bayacindezelwa egcekeni ledolobho.+
12 Aluba bekuyisitha esingithethisayo,+Bengizabekezela.
Aluba bekuyisitha esingivukelayo,Bengizasicatshela.
13 Kodwa nguwe, umuntu onjengami,+Umngane wami engimazi kuhle.+
14 Besingamathe lolimi,Besijayele ukuhamba sonke endlini kaNkulunkulu, siphakathi kwexuku labantu.
15 Kwangathi bangatshabalala!+
Behlele engcwabeni bephila,Ngoba balenhliziyo ezimbi njalo bahlala ezindaweni ezigcwele okubi.
16 Kodwa mina ngizabiza uNkulunkulu,UJehova uzangisindisa.+
17 Ngikhathazekile, ngiyabubula+ ekuseni lemini lantambama.
Yena uyalizwa ilizwi lami.+
18 Uzangikhulula* kulabo abalwa lami, angiphe ukuthula,Ngoba banengi abangihlaselayo.+
19 UNkulunkulu uzangizwa alwe labo,+Yena ohlezi esihlaweni sobukhosi kusukela kudala.+ (Selah)
Abasoze batshintshe,Labo abangazange bamesabe uNkulunkulu.+
20 Umngane wami uhlasele labo ababehlalisane laye ngokuthula,+Kazange asigcine isivumelwano ayesenzile.+
21 Amazwi akhe abutshelezi kulolaza,+Kodwa uthanda ukulwa.
Amazwi akhe abutshelezi kulamafutha,Kodwa anjengenkemba ezibukhali.+
22 Phosela umthwalo wakho kuJehova,+Yena uzakuncedisa.+
Kasoze avume ukuthi olungileyo awe.*+
23 Kodwa wena Nkulunkulu uzabehlisela egodini elitshonayo.+
Ababulali lamaqili bazakuba lempilo emfitshane kakhulu.+
Kodwa mina ngizathemba wena.
Amabala angaphansi
^ Khangela iNgcazelo Yamabala.
^ Kumbe, “Ungazifihli nxa ngithandaza kuwe ngicela uncedo.”
^ NgesiHebheru, “Uzangihlenga.”
^ Kumbe, “anyikinyeke.”
