IHubo 42:1-11
Kumqondisi wokuhlabela. Imaskili* yamadodana kaKhora.+
42 Awu Nkulunkulu inhliziyo yami ikomele,Njengempala* yomele amanzi asezifuleni.
2 Ngomele uNkulunkulu, uNkulunkulu ophilayo.+
Ngingabuya nini phambi kukaNkulunkulu?+
3 Inyembezi zami seziyikudla kwami ubusuku lemini.
Ilanga lonke abantu bayangihleka besithi: “Ungaphi uNkulunkulu wakho?”+
4 Izinto lezi ngiyazikhumbula njalo ngikhipha konke okusenhliziyweni yami,Ngoba ngake ngahamba lexuku labantu.
Ngangijayele ukuhamba* phambi kwabo sisiya endlini kaNkulunkulu,Simemeza ngentokozo futhi sibonga uNkulunkulu,Silixuku elikhulu elithakazelela idili.*+
5 Kungani sengiphelelwe lithemba?+
Kungani ngikhathazekile?
Ngizalindela uNkulunkulu,+Ngizamdumisa ngenxa yokuthi unguMsindisi wami omkhulu.+
6 Nkulunkulu wami sengiphelelwe lithemba,+Yikho ngikukhumbula,+Ngiselizweni leJodani laseziqongweni zeHemoni,Ngisentabeni iMizari.*
7 Ngizwa amanzi atshonayo ememeza amanye amanzi atshonayo,Kuzwakala umdumo wezimpophoma zakho.
Amagagasi akho ayangisibekela.+
8 Emini uJehova uzakuba lothando oluqotho kimi,Ebusuku ngizahlabela ngimdumise, ngikhuleke kuNkulunkulu ongipha ukuphila.+
9 Ngizakuthi kuNkulunkulu olidwala lami:
“Kungani usungikhohliwe?+
Kungani sengihambahamba ngidanile ngenxa yokucindezelwa yizitha zami?”+
10 Izitha zami ezilolunya ziyangihleka,Zingihleka ilanga lonke zisithi: “Ungaphi uNkulunkulu wakho?”+
11 Kungani sengiphelelwe lithemba?
Kungani ngikhathazekile?
Ngizalindela uNkulunkulu,+Ngizamdumisa ngenxa yokuthi unguNkulunkulu wami loMsindisi wami omkhulu.+
Amabala angaphansi
^ Khangela iNgcazelo Yamabala.
^ Ibala lesiHebheru elisetshenziswe lapha litsho inyamazana ehambelana lempala.
^ Kumbe, “ukuhamba kancane.”
^ Kumbe, “umkhosi.”
^ Kumbe, “Ngisentabeni encane.”
