IHubo 3:1-8

  • Ukuthembela kuNkulunkulu

    • ‘Kungani izitha zami zizinengi?’ (1)

    • “UnguMsindisi wethu, awu Jehova!” (8)

Ihubo likaDavida ngesikhathi ebalekela indodana yakhe u-Abhisalomu.+ 3  Awu Jehova, kungani izitha zami sezizinengi kangaka?+ Kungani bebanengi kangaka abangihlamukelayo?+  2  Abanengi bathi: “UNkulunkulu kasoze amsindise.”+ (Selah)*  3  Kodwa wena Jehova ulihawu lami, ungivikela macele wonke.+ Ungipha inkazimulo,+ ungenze ngibe lesibindi.*+  4  Ngizakhala kuJehova,Yena uzangiphendula esentabeni yakhe engcwele.+ (Selah)  5  Ngizalala phansi ngijumeke,Ngivuke ngilokhu ngivikelekileNgoba uJehova uqhubeka engisekela.+  6  Angizesabi izinkulungwane zabantuEzingihanqileyo zizongihlasela.+  7  Sukuma awu Jehova! Ngisindisa+ Nkulunkulu wami! Zonke izitha zami uzazitshaya emhlathini. Uzakhumula amazinyo abantu abenza okubi.+  8  UnguMsindisi wethu, awu Jehova!+ Abantu bakho uyababusisa. (Selah)

Amabala angaphansi

^ NgesiHebheru, “uvuse ikhanda lami.”
INGUQULO YOMHLABA OMUTSHA YEMIBHALO ENGCWELE
AmaHubo 3
Ndebele (Zimbabwe)
Bala IBhayibhili Ku-Inthanethi
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt k. 40