IHubo 139:1-24
Kumqondisi wokuhlabela.
Ihubo likaDavida.
139 Awu Jehova ungihlolile njalo uyangazi.+
2 Uyangibona nxa ngihlala phansi lalapho ngisukuma.+
Uyayizwisisa imicabango yami lanxa ukhatshana.+
3 Uyangibona nxa ngihamba lalapho ngilala.
Uyazibona zonke izindlela zami.+
4 Ngingakakhulumi lutho ngolimi lwami,Wena uyabe usukwazi Jehova.+
5 Uyangigombolozela, ungivikele emuva laphambili,Ubeka isandla sakho phezu kwami.
6 Indlela ongazi ngayo ijulile, angenelisi ukuyizwisisa.*
Iphakeme kakhulu, ngeke ngiyifikele.+
7 Ngingawubalekela ngiye ngaphi umoya wakho?
Ngingakubalekela ngiyecatsha ngaphi?+
8 Nxa ngingaphakama ngiye ezulwini, uyabe ukhona lapho.
Nxa ngingehlela phansi ngilale engcwabeni, lakhonapho uyabe ukhona.+
9 Nxa ngingaphapha ngesiqubu sokudabuka kokusa,Ngiyehlala elwandle olukhatshana kakhulu,
10 Lalapho isandla sakho besizangikhokhela,Isandla sakho sokudla besizangibamba.+
11 Nxa ngingathi: “Umnyama uzangifihla,”
Ubusuku buyaguquka bube yikukhanya.
12 Lanxa kumnyama tshu wena uyabona.
Kuwe ubusuku bukhanya angathi kusemini,+Umnyama unjengokukhanya kuwe,+
13 Ngoba nguwe owazenzayo izinso zami,Wangigcina ngivalelwe* esiswini sikamama.+
14 Ngiyakudumisa ngoba ngenziwe ngendlela emangalisayo.+
Imisebenzi yakho iyamangalisa,+Lokhu ngikwazi mhlophe.
15 Amathambo ami ayengafihlekanga kuweNgesikhathi ngisenziwa endaweni esithekileyo,Ngiselukwa ekujuleni komhlaba.+
16 Amehlo akho angibona ngiqalisa nje ukubunjwa esiswini sikamama,Zonke izitho zomzimba wami zazibhaliwe ebhukwini lakho.
Kwabhalwa lamalanga ezazizabunjwa ngawo,Lanxa zonke zazingakabi khona.
17 Yikho imicabango yakho iligugu kimi!+
Minengi kakhulu awu Nkulunkulu!+
18 Nxa ngingazama ukuyibala, minengi kuletshebetshebe.+
Lapho ngivuka ngiyabe ngilokhu ngilawe.*+
19 Awu Nkulunkulu, aluba uyababulala abantu abenza okubi!+
Lapho-ke abantu abalodlakela* bebezasuka kimi,
20 Labo abakhuluma kubi ngawe behlose okubi.
Bayizitha zakho njalo balisebenzisa kubiibizo lakho.*+
21 Awu Jehova, angibazondi yini labo abakuzondayo?+
Angibenyanyi yini labo abakuvukelayo?+
22 Ngiyabazonda kakhulu,+Sebeyizitha zami ezinkulu.
23 Ngihlola awu Nkulunkulu uyazi inhliziyo yami.+
Ngihlola ukuze uyazi imicabango yami engikhathazayo.*+
24 Ngikhangela ubone ukuthi kukhona yini kimi okungenza ngihambe endleleni embi,+Ungikhokhele+ endleleni ezahlala kuze kube phakade.
Amabala angaphansi
^ Kumbe, “iyangimangalisa.”
^ Ezinye inguqulo zithi, “Wangeluka.”
^ Ezinye inguqulo zithi, “ngiyibala.”
^ Kumbe, “abalecala lokubulala.”
^ Kumbe, “ngendlela engelanhlonipho.”
^ Kumbe, “engincitsha ukuthula.”
