IHubo 101:1-8
Ihubo likaDavida.
101 Ngizahlabela ngothando oluqotho langokwahlulela kuhle.
Ngizakuhlabelela ngikudumise awu Jehova.
2 Ngizahlakanipha futhi ngibe msulwa* kukho konke engikwenzayo.
Uzabuya nini kimi?
Ngizakuba qotho+ lanxa ngisendlini yami.
3 Angisoze ngikhangele loba yini engelancedo.
Ngiyazizonda izenzo zalabo abaphambukayo batshiye ukwenza okulungileyo,+Angisoze ngivumelane lazo.
4 Ngiyayizonda inhliziyo elobuqili,Angisoze ngikwamukele* okubi.
5 Loba ngubani okhuluma kubi ngomakhelwane wakhe ensitha,+Ngizamthulisa.*
Loba ngubani olamehlo azigqajayo lenhliziyo ezikhukhumezayo,Angisoze ngimamukele.
6 Ngizakuba lomusa kulabo abathembekileyo emhlabeni,Ukuze bahlale lami.
Lowo ongasolekiyo* uzakuba yinceku yami.
7 Akulamuntu oliqili ozahlala endlini yami,Loqamba amanga kasoze ame phambi kwami.
8 Nsuku zonke ekuseni ngizabathulisa bonke abenza okubi emhlabeni,Ngizababulala bonke abenza okubi edolobheni likaJehova.+
Amabala angaphansi
^ Kumbe, “qotho.”
^ NgesiHebheru, “ngikwazi.”
^ Kumbe, “Ngizambulala.”
^ Kumbe, “oqotho.”
