Isethulo Sengxenye 3
IBhayibhili likhuluma ngabantu abalutshwana abakhonza uJehova eminyakeni eyalandela uZamcolo. Omunye wabantu labo ngu-Abrahama. UJehova wambiza ngokuthi ngumngane wakhe. Yindaba wambiza njalo? Nxa ungumzali, ncedisa umntanakho abone ukuthi uJehova uyamthanda njalo ufuna ukumnceda. Lathi singacela uJehova asincede njengoba kwenza amadoda ayethembekile anjengo-Abrahama, uLothi loJakhobe. Singamthemba sibili uJehova ukuthi uzazigcwalisa zonke izithembiso zakhe.
ENGXENYENI LE
ISIFUNDO 7
Umphotshongo WaseBhabheli
Abanye abantu bacabanga ukwakha idolobho elalilomphotshongo owawuzafika emazulwini. Kungani uNkulunkulu wenza bakhuluma izindimi ezitshiyeneyo?
ISIFUNDO 8
U-Abrahama LoSara Bamlalela UNkulunkulu
Kuyini okwenza ukuthi u-Abrahama loSara batshiye umuzi wabo e-Uri bayehlala ematendeni eKhenani?
ISIFUNDO 9
Bacina Sebelomntwana
UNkulunkulu uzasigcwalisa njani isithembiso asenza ku-Abrahama? Isithembiso leso sasizagcwaliseka ngo-Isaka kumbe ngo-Ishmayeli yini?
ISIFUNDO 10
Khumbula UmkaLothi
UNkulunkulu wabhubhisa iSodoma leGomora ngomlilo. Kungani amadolobho lawo abhujiswa? Kungani kumele sikhumbule umkaLothi?
ISIFUNDO 11
Watshengisa Ukuthi Ulokholo
UNkulunkulu watshela u-Abrahama: ‘Thatha indodana yakho uyenze umnikelo wokutshiswa entabeni eseMoriya.’ Lokhu kwakuzatshengisa ukuthi u-Abrahama lo-Isaka balokholo yini loba hatshi.
ISIFUNDO 12
UJakhobe Wathola Ilifa
U-Isaka loRabheka babelabantwana abangamaphahla okwakuthiwa ngu-Esawu loJakhobe. U-Esawu wazalwa kuqala yikho nguye okwakumele athole ilifa. Kuyini okwenza ukuthi alithengise ngokudla?
ISIFUNDO 13
UJakhobe Lo-Esawu Bayaxolelana
UJakhobe wenzani ukuze ingilosi imbusise? Wenzani ukuze yena lo-Esawu baxolelane?
