Isethulo Sengxenye 12
UJesu wafundisa abantu ngoMbuso kaNkulunkulu. Wabafundisa lokuthi bakhulekele ukuthi ibizo likaNkulunkulu lingcweliswe, uMbuso wakhe uze lokuthi intando yakhe yenziwe emhlabeni. Nxa ungumzali chasisela umntanakho ukuthi umthandazo lowo utshoni. UJesu kazange avume ukuthi uSathane amenze ehluleke ukubaqotho. UJesu wakhetha abaphostoli bakhe njalo yibo ababa ngabokuqala kulabo abazabusa laye. Mncedise abone ukuthi uJesu wayekukhuthalele ukukhonza kweqiniso. UJesu wasilisa abagulayo, wanika abalambileyo ukudla njalo wavusa labafileyo ngoba wayefuna ukunceda abantu. Lokhu kwakutshengisa lokho okuzakwenziwa nguMbuso kaNkulunkulu esikhathini esizayo.
ENGXENYENI LE
ISIFUNDO 75
USathane Ulinga UJesu
USathane ulinga uJesu kathathu. Ungaziqamba yini izilingo lezo? UJesu wenzani ngesikhathi elingwa?
ISIFUNDO 76
UJesu Wenza Ukuthi Ithempeli Lihlanzeke
UJesu wayezixotshelani izifuyo ethempelini njalo wagenqula lamatafula alabo abatshintsha imali?
ISIFUNDO 77
Owesifazana Emthonjeni
Kuyini okwenza owesifazana ongumSamariya wamangaliswa yikuthi uJesu uyamkhulumisa? Kuyini uJesu amtshela khona ayengakaze akutshele omunye umuntu?
ISIFUNDO 78
UJesu Utshumayela NgoMbuso
UJesu wabiza abanye abafundi bakhe ukuthi babe ‘ngabagoli babantu.’ Ngokuhamba kwesikhathi ufundisa abalandeli bakhe abangu-70 ukuthi batshumayele izindaba ezinhle.
ISIFUNDO 79
UJesu Wenza Izimangaliso Ezinengi
Loba ngaphi lapho uJesu aya khona abantu abagulayo baya kuye futhi uyabasilisa. Phela uze avuse lenkazana encane ebisifile.
ISIFUNDO 80
UJesu Ukhetha Abaphostoli Abangu-12
UJesu wabakhethelani abaphostoli? Uyawazi yini amabizo abo?
ISIFUNDO 82
UJesu Ufundisa Abafundi Bakhe Ukuthandaza
Yiziphi izinto atshela abafundi bakhe ukuthi bazicele?
ISIFUNDO 83
UJesu Unika Izinkulungwane Zabantu Ukudla
Isimangaliso lesi sisitshengisani ngoJesu langoJehova?
ISIFUNDO 84
UJesu Uhamba Phezu Kwamanzi
Ubona angani abaphostoli bezwa njani bebona isimangaliso lesi?
ISIFUNDO 86
UJesu Uvusa ULazaro
UJesu wathi ebona uMariya ekhala, laye wakhala. Kodwa bacina sebethokoza.
