Isethulo Sengxenye 11
Okukhulunywa ngakho engxenyeni le kuthethwe eMibhalweni yamaKhristu yesiGrikhi. UJesu wakhulela edolobheni elincane njalo abangakibo babengabayanga. Wayesebenza loyise owayengumbazi. UJesu nguye owayezasindisa abantu. Wakhethwa nguJehova ukuthi abe yiNkosi yoMbuso wasezulwini. Nxa ungumzali, ncedisa umntanakho abone ukuthi uJehova wayikhetha njani imuli uJesu ayezazalelwa kiyo lendawo ayezakhulela kuyo. Msize abone ukuthi uJehova wamvikela njani uJesu ukuthi angabulawa nguHerodi lokuthi akulalutho olungenza intando kaJehova ingagcwaliseki. Fundani ngokuthi uJehova wakhetha njani uJohane ukuthi alungisele uJesu indlela. Gcizelela ukuthi ngesikhathi uJesu esesemncane wayekuthanda ukufunda ngoJehova.
ENGXENYENI LE
ISIFUNDO 68
U-Elizabethi Uba Lomntwana
Yindaba umka-Elizabethi watshelwa ukuthi kasoze enelise ukukhuluma umntwana aze azalwe?
ISIFUNDO 69
UGabriyeli Uvakatshela UMariya
UGabriyeli watshela uMariya umlayezo owatshintsha impilo yakhe.
ISIFUNDO 70
Izingilosi Zibika Ukuzalwa KukaJesu
Abelusi abatshelwa ngokuzalwa kukaJesu bahle bayambona.
ISIFUNDO 73
UJohane Ulungiselela Ukuza KukaJesu
UJohane wakhula waba ngumphrofethi. Wayefundisa ngokuza kukaMesiya, kodwa abantu bamlalela yini?
