TiiTlaixpantijkauan Jehová tiktlakaitaj bandera, tekiuajkej, tikintlakaitaj akinmej kitlajpalouaj bandera uan akinmej tlakuikaj himno nacional noso kichiuiliaj se juramento.

 TiiTlaixpantijkauan Jehová amo tikiluichiuiliaj bandera porque tikneltokaj tla ijkon tikchiuaj tikixnamikij tlen Biblia tlamachtia. Tikintlasojkamatiliaj akinmej kitlakaitaj tlen tikneltokaj, ijkon ken tejuan tiktlakaitaj tlen kineltokaj.

Itech nin tlamachtil tikinnankiliskej ninmej tlajtlanilmej.

•  ¿Tlen tlamachtia Biblia?

•  ¿Tlen tikchiuaj tla techchiualtiaj matikiluichiuilikan bandera?

•  TiiTlaixpantijkauan Jehová ¿timokajkalakiaj itech política noso itech okseki iluitl?

 Xikitakan ome textos tlen yotechpaleuijkej matikpejpenakan tlen tikchiuaskej.

•   San toTajtsin Dios moneki tikueyichiuaskej. Biblia kijtoua: “Xikueyichiua Jehová moDios uan san ye xiktekichiuili” (Lucas 4:8). Itech juramentos tlen kichiuiliaj bandera uan himnos nacionales san kijtoua kitekichiuiliskej inmialtepe uan amo okseki tlamantli. Ikinon tiiTlaixpantijkauan Jehová amo tikiluichiuiliaj bandera porque Biblia amo ijkon tlamachtia.

   TiiTlaixpantijkauan Jehová timokuayejyekoua tla tiktlajpaloskej bandera yetoskia ken tikinueyichiuaj teotsitsintin uan Biblia kijtoua amo ijkon matikchiuakan (1 Corintios 10:14). Sekimej ixtlamatkej kijtoua bandera noijki yetoskia ken se teotsin tlen poui itech se religión. Ixtlamatki Carlton Hayes okijkuilo: “Miakej kiueyichiuaj bandera tlen kipiaj itech inmialtepe”. a Ixtlamatki Daniel Mannix okijto: “Akinmej okichiuayaj ken Cristo itech achto siglo amo okinekej kiueyichiuaskej tekiua romano, non yetoskia ken akinmej amo kinekij kitlajpaloskej bandera”. b

  TiiTlaixpantijkauan Jehová amo tiktlajpalouaj bandera pero kema tiktlakaitaj, porque amo tikijtlakouaj uan amo tiktlatiaj.

•   ToTajtsin Dios nochtin kinpatioita (Hechos 10:34, 35). Biblia kijtoua toTajtsin Dios “San ika se tlakatl okinchijchi nochtin tlen pouij itech altepemej” (Hechos 17:26). Ikinon tiiTlaixpantijkauan Jehová timokuayejyekouaj amo kuali tikinchikoitaskej oksekimej tlen chanti itech okseki altepemej. Nochtin tikintlakaitaj maski tlatlamantli inmialtepe noso intlajtol (1 Pedro 2:17).

 TiiTlaixpantijkauan Jehová amo tikixnamikij tekiua. Porque toTajtsin Dios okintlali tekiuajkej para matlanauatikan (Romanos 13:1-7). Noijki tikmatij akinmej kichiuaj ken Cristo moneki kintlakamatiskej tekiuajkej (Lucas 20:25).

 ¿Tlen tikchiuaj ijkuak tekiuajkej techiluiaj matikchiuakan itlaj tlen toTajtsin Dios amo kipaktia? Ualeua tikintitlaniliaj tekiuajkej se amatl kanin kijtoua kox uelis kinpatlaskej seki tlanauatilmej. c Pero ijkuak amo ueli kipatlaj, tiiTlaixpantijkauan Jehová nochipa tikteititiaj titetlakaitaj pero tikpejpenaj “tiktlakamatiskej toTajtsin Dios ken tekiua uan amo tlakamej” (Hechos 5:29).

 Amo. TiiTlaixpantijkauan Jehová amo timokajkalakiaj itech política. Amo titlakuikaj himno nacional, amo tiktlajpalouaj bandera nion tikchiuaj juramento. Nin amo kijtosneki tikinmixnamikij tekiuajkej, ijkon tikchiuaj porque tiktlakamati tlen tlamachtia Biblia.