Ma timokuayejyekokan ken omomachili Jesús ijkuak opetlanki uan okikak iTajtsin okijto okiseliaya. Non okipaleui ma tlaxiko ijkuak otlajyoui. Ijkuak Jesús opetlanki noijki okiyolchika Pedro, Santiago uan Juan. Okinpaleui okachi ma kineltokakan Jesús ye Mesías uan okineltokakej kuali okichijtokaj ijkuak omochijkej imachtijkauan Jesús. Ijkuak yopanok 32 xiuitl, Pedro ok okilnamikiaya tlen okitak uan non okipaleui okachi ma kineltoka “tlan okikuilojkeh n profetas” (2 Ped. 1:16-19).
Maski tejuan amo otikitakej ijkuak Jesús opetlanki, kema tikitaj ken mochijtok tlen okiteititi. Ye yikajki ken ueyi tekiua uan kipia miak chikaualistli. Ayamo miak poliui para tlatlanis uan kichiuas ma yeto melajkayotl itech tlaltikpak (Apoc. 6:2).
¿Ken mitspaleuia tikita mochijtok nochi profecías?
