Mateo 1:1-25
1 Nin libro kijtoua intoka iuejkatatajuan Jesucristo.* Ye ixui David, ixui Abrahán.
2 Abrahán okatka ipapa Isaac.Isaac okatka ipapa Jacob.Jacob okatka ipapa Judá uan noijki inpapa ikniuan.
3 Judá uan Tamar okinpixkej Pérez uan Zérah.Pérez okatka ipapa Hezrón.Hezrón okatka ipapa Ram.
4 Ram okatka ipapa Aminadab.Aminadab okatka ipapa Nahsón.Nahsón okatka ipapa Salmón.
5 Salmón uan Rahab okipixkej Boaz.Boaz uan Rut okipixkej Obed.Obed okatka ipapa Jesé.
6 Jesé okatka ipapa tekiua David.David uan isiua Urías okipixkej Salomón.
7 Salomón okatka ipapa Rehoboam.Rehoboam okatka ipapa Abías.Abías okatka ipapa Asá.
8 Asá okatka ipapa Jehosafat.Jehosafat okatka ipapa Jehoram.Jehoram okatka ipapa Uzías.
9 Uzías okatka ipapa Jotán.Jotán okatka ipapa Acaz.Acaz okatka ipapa Ezequías.
10 Ezequías okatka ipapa Manasés.Manasés okatka ipapa Amón.Amón okatka ipapa Josías.
11 Josías okatka ipapa Jeconías uan noijki inpapa ikniuan. Yejuan oneskej* ijkuak israelitas okinuikakej Babilonia.
12 Ijkuak israelitas okatkaj Babilonia, oneski* ikone Jeconías tlen omotokayotiaya Sealtiel.Sealtiel okatka ipapa Zorobabel.
13 Zorobabel okatka ipapa Abiud.Abiud okatka ipapa Eliaquim.Eliaquim okatka ipapa Azor.
14 Azor okatka ipapa Sadoc.Sadoc okatka ipapa Aquim.Aquim okatka ipapa Eliud.
15 Eliud okatka ipapa Eleazar.Eleazar okatka ipapa Mattán.Mattán okatka ipapa Jacob.
16 Jacob okatka ipapa José. José omonamikti iuan María uan okipixkej Jesús tlen kiluiaj Cristo.
17 Desde Abrahán hasta David, okatkaj 14 iuejkatatajuan Jesús. Desde David hasta ijkuak israelitas okinuikakej Babilonia, okatkaj 14 iuejkatatajuan. Ijkuak israelitas okatkaj Babilonia hasta ijkuak oneski* Cristo, okatkaj 14 iuejkatatajuan.
18 Ijkin opanok ijkuak oneski* Jesucristo. María monamiktiskia iuan José, pero ijtik yokipiaya ikonetsin porque espíritu santo okichi makipia.
19 José okatka yolkuali uan amo okinekiaya makipinauikan María, ikinon omokuayejyeko* san ichtaka kikauas.
20 Pero ijkuak omokuayejyeko* ijkon kichiuas, iángel Jehová* okimonextili ijkuak okochtoka uan okilui: “José, ikone David, amo ximomojti timonamiktis iuan María. Porque espíritu santo okichi makipia non konetl.
21 Ye kipias se konetl uan moneki tiktokayotis Jesús* porque ye kikixtilis tlajtlakoli tlen kipia ialtepe”.
22 Ijkon omochi tlen Jehová okilui iprofeta:
23 “Ichpochtli kipias se konetl uan kitokayotiskej Emmanuel”, nin tlajtoli kijtosneki “toTajtsin Dios touan kajki”.
24 Ijkuak José oijsak, okichi tlen okinauati iángel Jehová uan omonamikti iuan María.
25 Pero amo iuan omotekak hasta ijkuak oneski* chokotsin. Uan okitokayoti Jesús.
Notas
^ Tlajtoli Cristo uan Mesías kijtosneki “tlapejpenali”.
^ Noso “otlakatkej”.
^ Noso “otlakatki”.
^ Noso “otlakatki”.
^ Noso “otlakatki”.
^ Noso “omonejneuili”.
^ Noso “omonejneuili”.
^ Itech Escrituras Griegas Cristianas ijkuilitok 237 veces itoka toTajtsin Dios uan nikan achto moijtoua.
^ Ika hebreo moijtoua Jesúa noso Josué uan kijtosneki “Jehová temakixtia”.
^ Noso “otlakatki”.
