TLAXELOL 13
¿Tlen moneki tikchiuaskej pampa tikyolpaktiskej toTajtsin Dios?
Amo ma tikchiuakan tlamantli tlen Jehová kikokolia (1 Corintios 6:9, 10)
Tla tiktlasojtlaj Jehová, amo tikchiuaskej tlen ye kikokolia.
Jehová amo kineki ma titlachtekikan, ma tiuintikan nion ma tiktekitiltikan drogas.
Jehová kikokolia ma temiktikan, ma kimiktikan se konetl ijkuak ayamo tlakati, ijkuak tlakatl mosiuakuepa uan ijkuak siuatl motlakakuepa. Noijki kikokolia ma tlaixnekikan uan ma moteuikan.
Amo ma tikchiuakan naualotl nion ma tikinueyichiuakan teotsitsintin.
Itech xochitlali amo yetoskej tlaltikpaktlakamej akinmej kichiuaj tlamantli tlen amo kuali.
Ma tikinchiuilikan oksekimej tlen kuali (Mateo 7:12)
Pampa tikyolpaktiskej toTajtsin Dios, moneki tikchiuaskej ken ye.
Moneki tikinchiuiliskej tlen kuali uan tikinpaleuiskej oksekimej itech tlen kinpoloa. Ijkon tikteititiskej tikintlasojtlaj.
Amo ma titekajkayauakan.
Ma titeiknomatikan uan ma titetlapojpoluikan.
Ma tikintlapouikan oksekimej itech Jehová uan itlanauatiluan (Isaías 43:10).
Xamo noijki mitspaktis
TLEN OKACHI IPATI TLAMACHTIA BIBLIA
¿Kinselia toTajtsin Dios nochi religiones?
Miakej kijtoaj kuali nochi religiones.
ITECH TEJUAN
¿Tleka moneki timomachtis Biblia? (nochi video)
Biblia kinankilia nochi tlen timotlajtlania. ¿Tikneki tikmatis itlanankilis tlen timotlajtlania?
