TLAXELOL 9
¿Keman Tlaltikpak mokuepas se xochitlali?
Nochi ouijkayotl tlen axan onka, kinextia ayakmo miak kauitl poliui pampa toTajtsin Dios tlanauatis (Lucas 21:10, 11; 2 Timoteo 3:1-5)
Biblia yokijtojka nochi tlen axan panotok itech Tlaltikpak. Okijto tlaltikpaktlakamej kiuelitaskiaj tomin, amo kintlakamatiskiaj intatajuan, yetoskiaj amo yolkualmej uan san kinekiskiaj moyolpaktiskej.
Noijki okijto chikauak tlaloliniskia, yetoskia guerras, apistli uan miak kokolistli. Axan ijkon panotok.
Jesús noijki okijto itech nochi Tlaltikpak motematiltiskia kuali tlajtolmej itech iTekiuajkayo toTajtsin Dios (Mateo 24:14).
ITekiuajkayo toTajtsin Dios kitlajtlamis nochi tlen amo kuali (2 Pedro 3:13)
Amo miak kauitl poliui Jehová kinmixpolos nochtin akinmej amo yolkualmej.
Satanás uan amo kuali iejekauan kintlajyouiltiskej.
Akinmej kikakiskej toTajtsin Dios uelis yetoskej itech xochitlali, kanin amo itlaj kinmomojtis, kanin uelis motenmachiaskej itech oksekimej uan kanin nochtin motlasojtlaskej.
Xamo noijki mitspaktis
AMOCHMEJ UAN AMATLAJKUILOLMEJ
¿Tlen iTekiuajkayo toTajtsin Dios?
Ijkuak Jesús okatka nikan Tlaltikpak okiteititi tlen kichiuas iTekiuajkayo toTajtsin Dios.
AMOCHMEJ UAN AMATLAJKUILOLMEJ
¿Se tonal tlamis tlajyouilistli?
Biblia techiluia toTajtsin Dios kikokolia tlajyouilistli uan melauak totech motekipachoua. ¿Tlen kijtosneki pampa tejuatsin?
