TLAMACHTIL 59
Uelis titlaxikos maski mitstlajyouiltiskej
Ualeua kinmomojtiaj uan kintlajyouiltiaj akinmej kichiuaj ken Cristo para ayakmo makitekichiuilikan Jehová. ¿Pero moneki timomojtiskej?
1. ¿Tleka yitikmatij techtlajyouiltiskej?
Biblia kijtoua: “Kintlajyouiltiskej nochtin idiscípulos Cristo Jesús tlen kinekij kiueyichiuaskej toTajtsin Dios” (2 Timoteo 3:12). Okitlajyouiltijkej Jesús porque ye amo okichiuaya ken oksekimej. Axkan tejuan techtlajyouiltiaj tekiuajkej uan oksekimej porque amo tikchiuaj ken yejuan (Juan 15:18, 19).
2. ¿Tlen moneki tikchiuaskej para titlaxikoskej ijkuak techtlajyouiltiskej?
Moneki okachi titlaneltokaskej itech Jehová, ¿ken uelis tikchiuaskej? Nochipa matimotlatlaujtikan uan matiktlajtoltikan iTlajtol, noijki nochipa matimonechikokan. Tla ijkon tikchiuas, mitspaleuis xitlaxiko ijkuak mitstlajyouiltiskej. Uelis titlaxikos maski mofamilia mitstlajyouiltis. Apóstol Pablo miak uelta okitlajyouiltijkej pero ye okijto: “Amo nimomojtis porque Jehová nechpaleuia” (Hebreos 13:6).
Noijki techpaleuis matiyetokan tiyolchikauakej tla nochipa titetlapouiaj. Ijkuak titetlapouiaj techpaleuia okachi matiktlasojtlakan toTajtsin Dios uan amo matechmomojtikan oksekimej (Proverbios 29:25). Tla axkan titetlapouiaj, satepan noijki ijkon tikchiuaskej maski tekiuajkej amo techkauiliskej (1 Tesalonicenses 2:2).
3. ¿Techpaleuis tla titlaxikouaj?
Amo techpaktia matechtlajyouiltikan. Pero ijkuak techtlajyouiltiaj uan titlaxikouaj okachi titlaneltokaj. Noijki okachi kuali timouikaj iuan Jehová porque ye techpaleuia matitlaxikokan (xiktlajtolti Santiago 1:2-4). Jehová moyolkokoua ijkuak ikaj techtlajyouiltia, pero yolpaki ijkuak kita titlaxikouaj. Biblia kijtoua: “ToTajtsin Dios paki tla nantlaxikouaj ijkuak namechtlajyouiltiaj porque nankichiuaj tlen kuali” (1 Pedro 2:20). Akinmej tlaxikouaj uan nochipa kitekichiuiliaj Jehová, ye kinteochiuas uan kinkauilis nochipa mayoltokan kanin ayakmo keman kintlajyouiltiskej (Mateo 24:13).
MATIMOMACHTIKAN
Matikitakan tlen techpaleuis matitlaxikokan maski techtlajyouiltiskej. Noijki tikitaskej tla titlaxikoskej Jehová techteochiuas.
4. Uelis tiktekichiuilis Jehová maski mofamilia amo kipaktis
Jesús okijto amo nochi tofamilia kipaktiskia matiktekichiuilikan Jehová. Xiktlajtoltikan Mateo 10:34-36 uan satepan xikitakan tlen namechmachtia.
-
Ijkuak ikaj peua kitekichiuilia Jehová, ¿kipaktia ifamilia?
Para tikitas tlen okichijkej sekimej, xikitakan VIDEO uan satepan xikitakan tlen namechmachtia.
-
¿Tlen tikchiuas tla se mofamiliar noso ikaj tlen iuan timouika mitsiluis ayakmo xiktekichiuili Jehová?
Xiktlajtoltikan Salmo 27:10 uan Marcos 10:29, 30. Satepan xikitakan tlen namechmachtia.
-
¿Ken mitspaleuiskej ninmej textos ijkuak mitstlajyouiltiskej?
5. Xiktekichiuili Jehová maski mitstlajyouiltiskej
Moneki matiyetokan tiyolchikauakej para uelis tiktekichiuiliskej Jehová maski sekimej amo kinekiskej. Xikitakan VIDEO uan satepan xikitakan tlen namechmachtia.
-
¿Ken mitsyolchikaua tlen otikitak itech video?
Xiktlajtoltikan Hechos 5:27-29 uan Hebreos 10:24, 25. Satepan xikitakan tlen namechmachtia.
-
¿Tleka moneki timonechikoskej uan titetlapouiskej maski tekiuajkej amo kinekiskej?
6. Jehová mitspaleuis xitlaxiko
ITlaixpantijkauan Jehová tlaxikouaj ijkuak kintlajyouiltiaj. ¿Tlen kinpaleuia matlaxikokan? Xikitakan VIDEO uan satepan xikitakan tlen namechmachtia.
-
¿Tlen okinpaleui tokniuan matlaxikokan?
Xiktlajtoltikan Romanos 8:35 uan 37-39, uan noijki Filipenses 4:13. Satepan xikitakan tlen namechmachtia.
-
Ijkon ken kijtouaj textos, ¿uelis titlaxikos maski mitstlajyouiltiskej?
Xiktlajtoltikan Mateo 5:10-12 uan satepan xikitakan tlen namechmachtia.
-
¿Tleka uelis tiyolpakis maski mitstlajyouiltiskej?
Tokniuan tlaxikouaj ijkuak kintlajyouiltiaj. ¡Tejuatsin noijki uelis titlaxikos!
SEKIMEJ KIJTOUAJ: “Ne amo nikxikos tla nechtlajyouiltiskej”.
-
¿Tlen textos kipaleuiskej makineltoka uelis tlaxikos?
XIKILNAMIKTO
Jehová kipatioita ijkuak tiktekichiuiliaj maski sekimej techtlajyouiltiaj uan uelis titlaxikoskej porque ye techpaleuia.
Matikojpauikan
-
¿Tleka yitikmatij techtlajyouiltiskej?
-
¿Tlen uelis tikchiuas axkan para titlaxikos ijkuak mitstlajyouiltiskej?
-
¿Tleka tikneltoka nochipa uelis tiktekichiuilis Jehová?
NIN NOIJKI MITSPAKTIS
Xikita ken okipaleui Jehová se tokni tlen okitsakej.
Xikita tlen okinpaleui sekimej tokniuan nochipa makitekichiuilikan Jehová maski okintlajyouiltijkej.
Maski san kanin otechtitlankej nochipa otiktekichiuilijkej Jehová (7:11)
Amo ximomojti maski mitstlajyouiltiskej.
“Axkan ma timoyektlalikan porque techtlajyouiltiskej” (Akin Tetlapouijtok, julio 2019)
¿Tlen mitspaleuis nochipa xiktekichiuili Jehová maski mofamilia amo kipaktis?
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
