Nin amochtli tlen itoka Textos bíblicos techpaleuiaj matikchiuakan ken Cristo mitspaleuis xikinmajsi textos tlen mitspaleuiskej xikmati tlen tikchiuas. Noijki mitspaleuis xikinmajsi textos tlen ika tikinyolchikauas oksekimej uan tikinpaleuis makipejpenakan tlen kichiuaskej para kiueyichiuaskej Jehová. Xiktemo tlamachtil tlen timokuayejyekoua mitspaleuis, ompa tikajsis seki tlajtlanilmej uan seki textos kanin kijtoua sekimej noijki ijkon okinpanok (xikita recuadro “ Tlen kipia nin amochtli”). Amo oui tikinmajsis textos tlen mitsyolchikauaskej uan mitspaleuiskej xikmati tlen tikchiuas. Tikinmajsis principios bíblicos tlen mitspaleuiskej uan noijki ika tikinpaleuis oksekimej.

Nin amochtli amo kinpia nochi textos tlen tlajtoua itech se tlamantli. Pero mitspaleuis okachi ximomachti (Pr 2:​1-6). Para okachi tikajsikamatis tlen timomachtijtok, xikintlajtolti textos tlen iuan mouikaj uan notas tlen kipia La Biblia. Traducción del Nuevo Mundo. Noijki amatlajkuilol Tlen ika momachtiaj iTlaixpantijkauan Jehová noso Índice de las publicaciones Watch Tower uelis mitspaleuis xikajsikamati se texto. Ijkuak titlatemos ximomachti amatlajkuilol tlen okachi yankuik.

Tikneltokaj nin amatlajkuilol mitspaleuis ximomachti uan xikajsikamati iTlajtol toTajtsin Dios melauak techpaleuia. Noijki mitspaleuis okachi tikneltokas “iTlajtol toTajtsin Dios yoltok uan kipia chikaualistli” (Heb 4:12).