TLAXELOL 2

Peua satepan opanok Apachiuilistli uan tlami ijkuak kisaj itech Egipto

San chikueyi tlaltikpaktlakamej omomakixtijkej itech Apachiuilistli, maski ijkon, satepan omomiaktilijkej. Uan 352 xiuitl satepan opanok Apachiuilistli, oneski Abrahán. Tikitaj ken toTajtsin Dios kichiua tlen okijto kichiuaskia, ijkuak okimakak Abrahán se ikone tlen omotokayotiaya Isaac. Ijkuakon, itech ome ikoneuan Isaac, toTajtsin Dios okipejpenki Jacob.

Jacob okinpixki miakej ikoneuan, 12 telpokamej uan sekimej ichpokamej. Majtlaktli ikoneuan Jacob okikokoliayaj inmikni akin okatka chokotsin, José, uan okinemakakej pampa yetoskia se tlakeuali itech Egipto. Satepan, José okitlalijkej ken se ueyi tlayekanki itech Egipto. Ijkuak omochi se ueyi apistli, José okinyejyeko ikniuan pampa kitaskia kox yokipatlakej inyelis. Satepan, nochtin ichanejkauan Jacob, israelitas, ochantitoj Egipto. Nin opanok 290 xiuitl satepan oneski Abrahán.

Itech 215 xiuitl, israelitas ochantikej Egipto. Satepan omikik José, okinchijkej tlakeualtin ompa Egipto. Satepan, otlakatki Moisés uan toTajtsin Dios okitekitilti pampa kinmakixtis israelitas itech Egipto. Itech Tlaxelol OME, tikitaskej tlen opanok itech 857 xiuitl.