Noyampa taltikpak tel chikauak kioui uan taixpoloua at tein mosentilia. Yejua nejin seki tein motematiltiani:

•   “Seki tonalmej achto, ompa China tel chikauak kiouik tein amo keman moitstoya itech panoua 140 xiujmej [...]. Itech tonal sábado hasta miércoles, at mosentilij 744,8 milímetros (29,3 pulgadas) a” (AP News, 2 de agosto de 2023).

•   “Tonal jueves katka ojpatika tonal keman se kiouaejekat panok ompa sur de Japón. Hasta axkan momati ke kinmiktij omen. [...] Mochia maj at tein mosentili ajsi kemej 0,6 metros b kampa ika moajsij talmej ompa Taiwán” (Deutsche Welle, 3 de agosto de 2023).

•   “Kemej tel chikauak kiouik nejin itamian semana [ompa Nueva Escocia] kemej amo keman panotoya itech 50 xiujmej ompa Atlántico canadiense, uan semi taixpoloj at tein motaloj” (BBC News, 24 de julio de 2023).

 ¿Toni kijtoua Biblia ika tein panotok?

 Biblia kimelaua ke tinentokej itech “tonalmej keman tatamitiya” (2 Timoteo 3:1). Jesús kijtojka ke itech totonaluan mochiuaskia “tein kintetsaujkamoujtis” (Lucas 21:11). Kemej tel chikauak tona, axkan mochiua tetsaujmej okachi miakpa, okachi chikaujkej uan tein okachi amo ueli se kimati kemanian panos.

 Biblia kinextia ke nejin tetsaujmej tein mochiujtok kijtosneki ke amo uejkaua mopatati tein mochiujtok. ¿Keyej ijkon tikijtouaj? Porin Jesús kijtoj: “Keman nankiitaskej ke mochiua nochi nejin, xikmatikan ke iTaixyekanalis Dios ejkotokya” (Lucas 21:31; Mateo 24:3).

 Nochi nejin tein mochiujtok kinextia ke iTaixyekanalis Dios kitsakuilis maj amo tel chikauak kioui nion maj mochiua okseki tetsaujmej (Job 36:27, 28; Salmo 107:29).

 Komo tikonneki tikonmatis keniuj iTaixyekanalis Dios kiyektalis tein kichiua maj onka tetsaujmej, xikonita tamachtilis “¿Quién salvará el planeta?”.