Itech tonal 9 de octubre de 2024, Fondo Mundial para la Naturaleza kitematiltij keniuj akin nemij nikan taltikpak kichiujtokej seki taman tein kinixpolojtok tapialtsitsin. Tein kitematiltij kinextia ke “itech 50 xiujmej tein panouanij (1970-2020), moitani ke tapialmej kaxankej kemej 73%”. Uan no tanejmachtij: “Uelis tikijtoskej ke tein mochiuas itech makuil xiujmej ueliskia kichiuas maj kinijtako nochi tein nemi nikan taltikpak”.

 Miakej semi kimojkakakij nejon tein motematiltia tein kinpanotok tapialtsitsin, porin semi tiknejnekij maj kualtsin yeto taltikpak uan amo tikuelitaj maj tajyouikan tapialtsitsin. Ijkon timomachiliaj porin Dios kiixtalij maj tikinitakan maj kuali yetokan tapialtsitsin (Génesis 1:27, 28; Proverbios 12:10).

 Yejua ika xa timotajtaniaj: “¿Uelis mochiuas teisa para amo kisentokaskej ixpoliuiskej tapialtsin? ¿Toni kijtoua Biblia?”.

 Maski semi kitemoskej kichiuaskej maj amo kisentokakan ixpoliuikan tapialtsitsin, sayoj Dios uelis yekmelauj kichiuas maj amo ixpoliuikan. Biblia kijtoua itech Apocalipsis 11:18, ke Dios ‘kinixpolos akin kiixpolojtokej taltikpak’. Nejin tajkuilol techmachtia ome taman:

1.  1. Dios amo kikauas maj senkis kiixpolokan taltikpak.

2.  2. Dios amo uejkaua kichiuati nejon tein kijtoua. ¿Keniuj tikmatij? Porin axkan akin nemij nikan taltikpak okachi amo ouij uelis senkis kinixpoloskej tapialtsitsin.

 ¿Keniuj Dios kitsakuilis nejon tein kinpanotok tapialtsitsin? Kichiuas maj iTaixyekanalis tein moajsi iluikak peua taixyekana nikan taltikpak (Mateo 6:10). Nejon Taixyekanalis kinmachtis tatakamatinij maj kinitakan maj kuali yetokan tapialtsitsin (Isaías 11:9).