Miakej kiixpejpenaj uan kiixtaliaj akoni kinekij maj kinixyekana.

 ¿Toni kijtoua Biblia?

 Biblia kijtoua toni amo ueli kichiuaj tekiuanij nikan taltikpak.

•   “Amo xitakuaujtamatikan itech ueyichiuanimej nion itech okse takat, porin amo uelij temakixtiaj. Kisa ichikaualis uan yejua mokepa itech tal; ijkuak, ixpoliuij itanemililuan” (Salmo 146:3, 4).

 Nochin tekiuanij momikiliaj maski ueli kichiuaj miak taman. Maski kichiujkej tein kuali, amo uelis kijtoskej ke akin satepan tekiuajtiskej no kisentokaskej kichiuaskej nejon (Eclesiastés 2:18, 19).

 Biblia kijtoua ke taltikpaknenkej amo kichijchiujkej para iselti moixyekanas.

•   “Nion kinamiki takat akin nejnentok kiyekanas itaksalis” (Jeremías 10:23).

 ¿Uelis aksa axkan kuali taixyekanas?

 Biblia kijtoua ke Dios kiixtalij Jesucristo akin kuali taixyekanas uan takuaujtamach (Salmo 2:6). Jesús yejua tekiuaj itech itaixyekanalis Dios, se tekiuajyot tein moajsi iluikak uan desde ompa taixyekana (Mateo 6:10).

 ¿Tikonixpejpenas Jesús maj mitsonixyekana? Biblia kijtoua keyej semi moneki maj titaixpejpenakan:

•   “Xikueyitalikan ikonetsin [Jesucristo]; komo amo nankichiuaj, Dios kualanis uan namejuan namikiskej itech ojti, porin yejuatsin niman kualani. ¡Yolpakij nochin akin itech mopaleuiaj!” (Salmo 2:12).

 Axkan semi moneki maj titaixpejpenakan. Tein Biblia achto kijtojka ke mochiuaskia kinextia ke Jesús peuak taixyekana itech xiuit 1914. No kijtoua ke amo uejkaua itaixyekanalis Dios kinixpatas nochi tekiuanij itech nejin taltikpak (Daniel 2:44).

 Komo tikonneki tikonmatis keniuj tikonnextis ke tikonpaleuia itaixyekanalis Jesús, xikonlero tamachtilis “Maj tikpaleuikan iTekiuajyo Dios axkan”.