¡MAJ TITACHIXTOKAN!

2022: Mochiuak miak taman tein techtajyouiltij | ¿Toni kijtoua Biblia?

MAJ MOITA ITECH

Itech xiuit 2022, semi mochiuak tetsaujmej, neteuilis, uan miakej kipanokej tatasojtilis. Sayoj Biblia techmelauilia keyej mochiua miak taman tein techtajyouiltia.

Keyej tikpanokej nejon ouijkayomej itech xiuit 2022

Ouijkayomej tein tikpanokej nejin xiuit kiyeknextia ke tinentokej itech tonalmej tein Biblia kitokaytia “tonalmej keman tatamitiya” (2 Timoteo 3:1). Nejin tonalmej peuak itech xiuit 1914. Xikonita keniuj nejon ouijkayomej yejua tein Biblia kijtojka ke tikpanoskiaj:

“Nankikakiskej ke moteuijtokej” (Mateo 24:6).

“Itech xiuit 2022 ompa Europa oksepa semi mochiuak neteuilis tein kinteltajyouiltij miakej”. a

Xikonita tamachtilis “Rusia invade Ucrania”.

“Miakkan onkas mayan” (Mateo 24:7).

“Itech xiuit 2022 semi miakej amo kipiakej tein kimajseuaskej”. b

Xikonlero tamachtilis “Neteuilis tein onkak ompa Ucrania kichiua maj okachi tasojti takual”.

“Tetsaujkakokolismej” (Lucas 21:11).

“Oksepa nesik kokolis polio, miakej kinkuini viruela del mono uan kisentoka semi miakej momauaj ika COVID-19. Moita ke semi tamouililmej nejin kokolismej tein temauaj uan akin yeski uelis kinkuis”. c

No xikonita tamachtilis “Seis millones akin momikilijkej ika COVID”.

“Kiitaskej tein kintetsaujkamoujtis” (Lucas 21:11).

“Nejin itajkotian xiuit 2022 semi amo tikelkauaskej keniuj miakkan semi chikauak tonak, tauakik, motatikuik uan taatemik. Nochi nejin semi tauejueloj, kichiuak maj semi miakej momikilianij uan no maj miakej kipolouanij ininchan”. d

Xikonlero tamachtilis “Noyampa taltikpak tel chikauak tona”.

“Nankikakiskej [...] ke motakuejmolchiujtok” (Lucas 21:9).

“Akin nemij itech altepemej semi kualanij porin semi amo onkak tekit uan semi tapatiyoua, yejua ika itech xiuit 2022 okachi okachi miakej takuelmolchiujkej para tajtaniskej maj tekiuanij kiyektalikan”. e

No xikonita tamachtilis “Kampa yeski okachi tapatiyoua”.

¿Toni uelis panos okse xiuit?

Amo tikmatij toni uelis panos itech xiuit 2023. Tein kemaj, tikmatij ke amo uejkaua iTaixyekanalis Dios, amo uejkaua tayektalis nikan taltikpak (Daniel 2:44). Nejin taixyekanalis tein moajsi iluikak kiajchiuas nochi tein techtajyouiltia axkan uan mochiuas tein Dios kineki nikan taltikpak (Mateo 6:9, 10).

Timitsonyoleuaj xikonchiua kemej Jesús techiluij uan ‘xiontachixto’ para tikonitas keniuj tein kijtojka Biblia, mochiujtokya axkan (Marcos 13:37). Xitechontemo para timitsonpaleuiskej xikonita keniuj uelis mitsonpaleuis axkan tein kijtoua Biblia uan keniuj tejuatsin uan mochankauan uelis namechpaleuis xikitakan toni tein kuali uelis nankichiaskej maj mochiua amo uejkaua.

a Jill Lawless: “2022 Was Year the Horror of War Returned to Europe,” AP News, 8 de diciembre de 2022.

b “Una crisis alimentaria mundial”, Programa Mundial de Alimentos.

c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.

d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 de octubre de 2022.

e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.