Biblia yejua iTajtol Dios. Tamati kemej se amat tein kijkuiloua se tepopaj tetasojtakej (2 Timoteo 3:16). Ompa Dios techiluia keniuj uelis tikyolpaktiskej, keyej kikaua maj onka tein amo kuali, uan toni kichiuas satepan tein ika kinpaleuis taltikpakneminij. Sayoj ke akin tamachtiaj itech taneltokalis kipatanij tamachtilis tein kipia Biblia, yejua ika miakej kinemiliaj ke amo keman uelis kiajsikamatiskej (Hechos 20:29, 30).

Jiova Dios kineki maj tikmatikan keniuj yekmelauj tamati yejuatsin, yejua ika techmaka se amaix tein uelis tikajsikamatiskej. (Xikonixtajtolti 1 Timoteo 2:3, 4.)

Jiova amo sayoj techmaka Biblia, ta no tein techpaleuis maj tikajsikamatikan. Kiualtitanik Jesús maj techmachtiki (Lucas 4:16-21). Jesús kimelauaya tein kijtoua Biblia keman kijtouaya tataman textos tein kipia Tajkuilol. (Xikonixtajtolti Lucas 24:27, 32, 45.)

Jesús kipeualtij nechikol kampa kichiuaj kemej Cristo, uan ijkon yejuan kisentokaskiaj kichiuaskiaj tekit tein kipeualtijka (Mateo 28:19, 20). Axkan, akin yekmelauj kitojtokaj Jesús, ika miak pakilis kinpaleuiaj taltikpakneminij maj kiajsikamatikan tein Biblia tamachtia keniuj tamati Dios. Komo tikonneki tikonajsikamatis, xiontajto iniuan itaixpantijkauan Jiova. (Xikonixtajtolti Hechos 8:30, 31.)