Komo tejuatsin tikonnekiskia tionyas kansaika kampa amo keman tionyani, ¿toni tikonchiuaskia?

1. 1. Tikonchiuaskia tein tejuatsin tikonnemiliskia uan tionyaskia kampa tikonitaskia ke okachi kuali.

2. 2. Tikintojtokaskia oksekin porin tikonnemiliskia ke kimatijya keniuj ajsiskej.

3. 3. Tikontemoskia tein yekmelauj mitsonpaleuiskia kemej se mapa, oso tikontajtaniskia aksa akin kuali iuan tionmouika uan kimati keniuj se ajsis.

Komo tikonixtalia tikonchiuas yekinika oso ojpatika taman, tionajsis kansaika, sayoj ke amo kampa tikonnekia. Sayoj ke komo tikonchiua expatika taman, uelis senkis tikonmatis ke tionajsis kampa tikonneki.

Keman tiknekij tiajsiskej kansaika, tikuij se ojti tein ompa techajxitia. No ijkon, tinochin tiktemouaj tiyolpakiskej uan para tikajsiskej nejon kemej yeskia moneki tikuiskej se ojti tein ompa techajxitis. Yejua ika, moneki maj tikpiakan se taman tein kuali techixyekanas uan ijkon tikixtaliskej tikchiuaskej tein techpaleuis maj tiyolpakikan.

Miak taman tein tikixtaliskej tikchiuaskej amo semi kipatas tonemilis, sayoj ke seki taman kemaj. Nejon tein tikixtaliaj tikchiuaskej kinextia toni tikitaj ke kuali yetok uan toni amo. Tein tikixtaliskej tikchiuaskej, satepan uelis techpaleuis tejuan uan tochankauan oso amo. Miak taman tein tikixpejpenaj mouika ika nejin:

• keman omen mosentekaj uan keman aksa monamiktia

• keman amo se takajkayaua, tekit uan tomin

• kemej se kiniskaltis konemej

• kemej se mouikas iniuan oksekin

¿Keniuj uelis tikonmatis ox tein tikonixtalis tikonchiuas mitsonpaleuis tejuatsin uan no mochankauan xiyolpakikan?

Tinochin moneki timotajtaniskej: ¿Toni nechpaleuis maj nikixtali nikchiuas tein kuali yetok?

Nejin amaix mitsonpaleuis xikonmati keyej uelis tikonneltokas ke Biblia ueli mitsonmachtia tein kuali yetok uan keniuj nejon uelis mitsonpaleuis.