TAMACHTILIS 60
Xikonsentoka okachi kuali xionmouika iuan Jiova
Itech nochi nejin nemachtil ika Biblia, tionmomachtijya miak taman kemej tamati Jiova. Nochi nejin kichiuani okachi xikontasojta, yejua ika xa tionmotemaktijya uan tionmoauijya. Uan komo ayamo tikonchiua xa tikonnemilijtok tikonchiuas amo uejkaua. Sayoj ke keman tionmoauisya moneki tikonsentokas okachi kuali tionmouikas iuan Jiova. Tein melauj, uelis tikonsentokas okachi kuali tionmouikas iuan Jiova nochipaya. Maj tikitakan keniuj.
1. ¿Keyej moneki tikonsentokas okachi kuali tionmouikas iuan Jiova?
Moneki timochikauaskej okachi kuali timouikaskej iuan Jiova. ¿Keyej? “Para ma amo timosekokauatij den ojtsin de Dios” (Hebreos 2:1). ¿Toni techpaleuis maj tiksentokakan tiktekitilikan Jiova? Maj tiktemokan okachi titanojnotsaskej uan maj tikchiuakan okseki taman para okachi tiktekitiliskej Dios (xikonita Filipenses 3:16). ¡Amo onkak okse taman tein okachi kuali ke tiktekitiliskej Jiova! (Salmo 84:10).
2. ¿Toni moneki tikonsentokas tikonchiuas?
Maski tamitiya nejin nemachtil ika Biblia, yekin peujtok tikonchiua kemej Cristo. Biblia kijtoua ke sejsemej akin kichiuaj kemej Cristo moneki ‘motakentijtiyaskej ika ne yankuikatalnamikilis’ (Efesios 4:23, 24). Komo tikonsentoka tionmomachtia iTajtol Dios uan tionyoui nechikolmej, okachi tikonixmatis Jiova. Xikonnemili keniuj uelis okachi tikonchiuas kemej yejuatsin. Uan xikonpata tein monekis para tikonyolpaktis Jiova.
3. ¿Keniuj mitsonpaleuis Jiova okachi kuali xionmouika iuan?
Biblia kijtoua: Dios “namechtamimachtis. Yejuatsin namechchikauas, yejuatsin kichiuas amo keman xikauakan uan namechpaleuis amo xiuetsikan” (1 Pedro 5:10, TNM). Tinochin ueliskia tikchiuaskej tein amo kuali, sayoj ke Jiova techpaleuia maj amo tikchiuakan (Salmo 139:23, 24). Uan no, yejuatsin kijtoua ke mitsonpaleuis xikonneki uan mitsonmakas chikaualis para tikontekitilis (xikonita Filipenses 2:13).
MAJ OKACHI TIMOMACHTIKAN
Maj tikitakan tein uelis tikonchiuas para okachi kuali tionmouikas iuan Jiova uan tatiochiualismej tein mitsonmakas.
4. Nochipa iuan xiontajto uan xikonkaki akin okachi kuali iuan tionmouika
Tikonchiuas netataujtil uan tionmomachtis Biblia mitsonpaleuiani kuali xionmouika iuan Jiova. Komo tikonsentoka tikonchiua nejin, ¿tikonnemilia ke mitsonpaleuis okachi xionmotoki iuan? ¿Keniuj?
Xikitakan Salmo 62:8 uan ika xitajtokan nejin:
-
Ika netataujtil okachi kuali timouikaj iuan Dios, ¿toni moneki tikoniluis Jiova keman tionmotataujtis?
Xikitakan Salmo 1:2 uan ika xitajtokan nejin:
-
Okachi timouikaskej iuan Jiova komo kuali timomachtiaj Biblia, ¿keniuj uelis okachi tikonajsis tamachtilismej tein mitsonpaleuis?
¿Keniuj okachi mitsonpaleuis keman tionmomachtia moselti? Para tikonmatis seki taman, xikitakan VIDEO uan ika xitajtokan nejin:
-
¿Toni tein moijtoj itech video tikonuelitaskia tikonchiuas?
-
¿Toni tikonuelitaskia tionmomachtis?
5. Xikonixtali keniuj okachi tikontekitilis Jiova
¿Keniuj okachi mitsonpaleuis keman tionmomachtia moselti? Para tikonmatis seki taman, xikitakan VIDEO uan ika xitajtokan nejin:
-
¿Keniuj kipaleuij Cameron kiixtalis okachi kitekitilis Jiova?
Amo uelis nochin yaskej okse altepet para tanojnotsaskej, sayoj ke tinochin uelis tikchiuaskej tein tiueliskej. Xikitakan Proverbios 21:5 uan ika xitajtokan tein uelis tikonixtalis tikonchiuas...
-
... itech nechikol.
-
... itech tanojnotsalis.
¿Keniuj nejin tamachtilis tein kipia Biblia mitsonpaleuis xikonchiua tein tikonixtalijtok?
Seki taman tein uelis tikonixtalis tikonchiuas
-
Okachi kuali xikonchiua monetataujtiluan.
-
Xikonlero nochi Biblia.
-
Xikonixmati nochin tokniuan itech nechikol.
-
Peua xikonmachti aksa ika Biblia.
-
Xionmochiua precursor auxiliar oso regular.
-
Takamej maj mochikauakan para yeskij tapaleuianij itech nechikol.
6. ¡Uelis tiyolpakiskej nochipaya!
Xikitakan Salmo 22:26 uan ika xitajtokan nejin:
-
¿Toni moneki tikonchiuas para tionyolpakis axkan uan nochipaya?
TEIN TIKITAKEJ
Xikonsentoka okachi kuali xionmouika iuan Jiova uan xikonixtali okachi tikontekitilis. ¡Ijkon uelis tionyolpakis nochipaya!
Maj tikelnamikikan
-
¿Keyej uelis tikonneltokas ke Jiova mitsonpaleuis nochipa xikontekitili?
-
¿Toni uelis tikonchiuas para okachi kuali tionmouikas iuan Jiova?
-
¿Keniuj mitsonpaleuis okachi xionmotoki iuan Jiova komo tikonixtalia okachi tikontekitilis?
NO XIKONITA NEJIN
¿Toni okachi kipatiuita Jiova: maj tiknextikan ika se taman ke tikueyichiuaj oso maj tiktekitilikan nochi tonemilis?
Hasta aksa akin amo keman kikaua Jiova uelis amo yolpakisok. Xikonita keniuj uelis oksepa yolpakis.
¿Toni moneki tikchiuaskej para tikixtaliskej okachi tiktekitiliskej Jiova?
“Fijémonos metas espirituales para glorificar al Creador” (La Atalaya, 15 de julio de 2004)
¿Keyej semi moneki se kimatis toni kuali uan toni amo kuali uan toni mitsonpaleuis?
“‘El gran día de Jehová está cerca’: avancemos hacia la madurez” (La Atalaya, 15 de mayo de 2009)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
