TAMACHTILIS 41
¿Toni kijtoua Biblia keman se takat uan se siuat mosentekaj?
Miakej pinauaj ika tajtoskej keman se takat uan se siuat mosentekaj. Sayoj ke, keman iTajtol Dios ika tajtoua nejon, techyekiluia uan kichiua ika poujkaitalis. Tein kijtoua semi tepaleuia. Amo tikmoujkaitaj porin Biblia techmakatok Jiova, akin techchijchiuak uan kimati toni okachi kuali para tejuan. Yejuatsin techiluia keniuj moneki tinemiskej para tikyolpaktiskej uan toni techpaleuis maj tiyolpakikan nochipaya.
1. ¿Keniuj kiita Jiova maj se takat uan se siuat mosentekakan?
Maj se takat uan se siuat mosentekakan se netetayokolil tein Jiova kinmaka sayoj akin monamiktijkejya. Ika nejin netetayokolil amo sayoj uelis kipiaskej konemej, ta no omen uelis monextiliskej ke motasojtaj uan moyolpaktiskej. Yejua ika, iTajtol Dios kijtoua: “Xiyolpaki iuan akin timonamiktij keman katka titelpoch” (Proverbios 5:18, 19). Jiova amo kineki maj mokajkayauakan akin monamiktijkejya. Yejua ika, aksa akin kichiua kemej Cristo amo keman auilnemiskia (xikonita Hebreos 13:4).
2. ¿Toni kijtosneki auilnemilis?
Biblia tamachtia ke “akin auilnemij, [...] amo yetoskej itech iTekiuajyo Dios” (1 Corintios 6:9, 10, TNM). Akin kijkuilojkej Biblia itech tajtol griego, kikuikej pornéia keman ika tajtojkej auilnemilis. Nejin kijtosneki 1) keman se takat uan se siuat akin amo monamiktiaj mosentekaj, a 2) keman ome takamej oso ome siuamej mosentekaj uan 3) keman aksa auilnemi iuan se tapial. Komo tikixtopeuaj auilnemilis, tikyolpaktiaj Jiova uan tikseliaj miak taman tein kuali (1 Tesalonicenses 4:3).
MAJ OKACHI TIMOMACHTIKAN
Maj tikitakan toni uelis tikonchiuas para amo tionauilnemis uan keniuj mitsonpaleuis komo tionchipaujkanemi.
3. Xikoncholui auilnemilis
José, se takat akin amo keman kikauak Dios, kiixtopeuak se siuat akin kinekia iuan motekas. Xikitakan Génesis 39:1-12 uan ika xitajtokan nejin:
-
¿Keyej choloj José? (Xikitakan versículo 9).
-
¿Tikonnemilia ke José kichiuak tein kuali? ¿Keyej?
¿Keniuj uelis telpochmej kichiuaskej kemej José uan kicholuiskej auilnemilis? Xikitakan VIDEO.
Jiova kineki maj tikixtopeuakan auilnemilis. Xikitakan 1 Corintios 6:18 uan ika xitajtokan nejin:
-
¿Toni uelis kichiuas maj aksa auilnemi?
-
¿Keniuj uelis tejuatsin tikoncholuis auilnemilis?
4. Tejuatsin uelis tikonixtopeuas auilnemilis
¿Toni ueliskia kichiuas maj amo ueli tikixtopeuakan auilnemilis? Xikitakan VIDEO uan ika xitajtokan nejin:
-
Keman tokniuj itech video kiitak ke ueliskia kikajkayauas isiuatsin ika tein kichiujtoya uan ika tein kinemilijtoya, ¿toni kipatak?
Hasta tokniuan akin amo kikauaj Jiova kemansa moneki mochikauaskej itech tanemiliskej tein chipauak. ¿Toni uelis tikonchiuas para amo tiontanemilis itech auilnemilis? Xikitakan Filipenses 4:8 uan ika xitajtokan nejin:
-
¿Itech toni moneki titanemiliskej?
-
¿Tikonnemilia ke komo tiklerouaj Biblia uan nochipa tiktekitilijtokej Jiova niman tikixtopeuaskej auilnemilis? ¿Keyej?
5. Itanauatiluan Jiova techpaleuiaj
Jiova kimati toni okachi kuali para tejuan. Yejua ika techiluia keniuj tichipaujkanemiskej uan keniuj techpaleuia komo tikchiuaj. Xikitakan Proverbios 7:7-27 oso xikitakan VIDEO uan ika xitajtokan nejin:
-
¿Keniuj nejin telpoch moajsik kampa ueliskia auilnemis? (Xikitakan Proverbios 7:8, 9).
-
Proverbios 7:23, 26, kijtoua ke komo tiauilnemij uelis techpanos tein semi amo kuali. ¿Toni kuejmolmej amo tikpiaskej komo tichipaujkanemij?
-
¿Keniuj techpaleuia komo tichipaujkanemij maj tiyolpakikan nochipaya?
Miakej kinemiliaj ke keman Biblia ika tajtoua maj ome takamej oso ome siuamej mosentekakan amo kinextia netasojtalis. Sayoj ke, Jiova se Dios akin semi tetasojta uan kineki maj tinochin tiyolpakikan nochipaya. Komo tiknekij tikseliskej nejon netetayokolil moneki tiktakamatiskej itanauatiluan. Xikitakan 1 Corintios 6:9-11 uan ika xitajtokan nejin:
-
Ijkon kemej Dios kiita, ¿sayoj amo kuali yetok maj ome takamej oso ome siuamej mosentekakan?
Komo tiknekij tikyolpaktiskej Dios, tinochin moneki tikpataskej teisa. ¿Nenkaj yeski komo tikchiuaj? Xikitakan Salmo 19:8, 11 uan ika xitajtokan nejin:
-
¿Taixejekol maj Jiova techtajtani maj tichipaujkanemikan? ¿Keyej ijkon tikonnemilia?
Jiova kinpaleuiani miakej maj chipaujkanemikan, uan tejuatsin no uelis mitsonpaleuis.
TEIN SEKIN KIJTOUAJ: “Amo tajtakol komo mosentekaj omen akin motasojtaj”.
-
¿Toni tikonijtoskia?
TEIN TIKITAKEJ
Keman se takat uan se siuat mosentekaj se netetayokolil tein Jiova kinmaka akin monamiktijkejya uan kineki maj ika moyolpaktikan.
Maj tikelnamikikan
-
¿Toni kijtosneki auilnemilis?
-
¿Toni techpaleuis maj amo tiauilnemikan?
-
¿Keniuj techpaleuia maj tichipaujkanemikan ijkon kemej Jiova tanauatia?
NO XIKONITA NEJIN
Xikonita keyej kineki Dios maj monamiktikan se takat uan se siuat akin kinekij sennemiskej.
“¿Qué dice la Biblia sobre vivir juntos sin estar casados?” (Artículo de jw.org)
Xikonita keyej maski Biblia kijtoua ke amo kuali yetok maj ome takamej oso ome siuamej mosentekakan amo kijtosneki maj se kintauelita.
Xikonita keniuj tein Biblia tanauatia techpaleuia maj amo tikchiuakan nion se taman auilnemilis.
¿Toni kipaleuij se takat akin nemia iniuan takamej maj kipata inemilis uan maj kiyolpakti Dios? Xikonlero kampa kijtoua “Me trataron con dignidad”.
“La Biblia les cambió la vida” (La Atalaya, 1 de abril de 2011)
a Auilnemij keman mosentekaj, keman auilnemij ika inintenoj (sexo oral) oso ininikan (sexo anal) uan kimajmatokaj aksa kampa amo moneki.
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
