XIONPEUA XIKINNOJNOTSA OKSEKIN
TAMACHTILIS 5
Maj titapoujkaitakan
Tein Biblia kijtoua: “Nochipa kualtsin xitenojnotsakan” (Col. 4:6).
Tein Pablo kichiuak
1. Xikonita VIDEO oso xikonlero Hechos 17:22, 23. Ompa xiontanemili itech nejin netajtanilmej:
-
1). ¿Keniuj momachilij Pablo keman kiitak ke ompa Atenas onkayaj tel miakej tatadiosmej? (Xikonita Hechos 17:16).
-
2). ¿Keniuj Pablo kinextij ke kinpoujkaitaya akin kayomej Atenas keman kinmatiltij kuali tanauatilmej?
¿Toni techmachtia tein kichiuak Pablo?
2. Xa okachi techkakiskej komo kuali tiknemiliaj toni tikijtoskej, keniuj tikijtoskej uan kemanian tikijtoskej.
Xikonchiua kemej Pablo
3. Kuali xikonnemili toni tikonijtos. Kemej neskayot, komo tiknojnotsaj aksa akin amo kiixmati Biblia oso Jesús, maj tikuikan tajtolmej tein amo ouijkej tein kipaleuis maj kiajsikamati tein tiknekij tikiluiskej.
4. Amo niman xikonilui ke amo kuali yetok tein kijtoua. Xikonkaua maj kijto tein kinemilia akin tikonnojnotsa. Uan keman kijtos teisa tein Biblia amo tamachtia, amo xikonilui ke amo kuali yetok tein kijtoua (Sant. 1:19). Komo kuali tikonkaki, tikonmatis toni kineltoka uan keyej (Prov. 20:5).
5. Komo tikonita ke kuali tein kijtoua, xikonilui ke kuali yetok uan xikontasojkamatili. Xikonelnamiki ke yejua xa kinemilia ke kuali yetok tein kineltoka. Achto maj timonojnotsakan iuan ika se taman tein tiomen tikneltokaj uan ompa maj yolik tikpaleuikan maj kineltoka tein Biblia tamachtia.
NO XIKONITA
Prov. 25:15; 2 Tim. 2:23-26; 1 Ped. 3:15
