¿Tikonuelitaskia tikontakamatis Dios kemej kichiuak Daniel keman tikonixnamikis ouijkayomej? Yejua kuali momachtiaya iTajtol Dios, tein kijtosnekia ke no kiitaya ika nejmachkayot tein achto moijtojka tein okachi ouij (Da 9:2). ¿Keniuj uelis mitsonpaleuis xikontakamati Dios komo tionmomachtia Biblia ika nejmachkayot? Mitsonpaleuis okachi xiontakuaujtamati ke Jiova kichiuas tein motenkauani (Jos 23:14). No okachi tikontasojtas Dios uan nejon mitsonyololinis xikonchiua tein kuali (Sl 97:10). Sayoj ke ¿kani uelis se peuas? Xiontanemili itech nejin taman.

• ¿Toni monekiskia nimomachtis? Kuali tikixtaliskej timomachtiskej Biblia no kijtosneki tikixtaliskej timomachtiskej tein tikitaskej itech nechikolmej. Okachi mitsonpaleuis tein moixtajtoltia itech Biblia sejse semana komo tikonxeloua tiempo tikontemos tein amo tikonajsikamati. Uan no, moajsij akin ika nejmachkayot okachi momachtiaj tein achto moijtojka itech Biblia, kualneskayomej tein kipia espíritu, kampa tanojnotstinemik tatitanil Pablo oso tein Jiova kichijchiuani. Komo itech tonal tikonpia se netajtanil, xikonijkuilo uan xikontemo tanankilil keman oksepa tionmomachtis Biblia.

• ¿Kani uelis nikajsis tamachtilis? Itech video Manamikmej tein tapaleuiaj maj se kiajsi tein Biblia tamachtia tikonajsis seki taman. Xikontemo katiyejua taltikpaktekiuajyot kiixnextia sejse tapial tein ika tajtoua Daniel capítulo 7, ijkon tionmomachtis tikonkuis nejin nepaleuil.

• ¿Kanachi tiempo monekiskia nimomachtis? Tein tapaleuia maj se itakuaujtamatilis moajsi chikauak yejua maj nochipa se momachti. Komo tikonita ke moneki, uelis tionpeuas ajachichi uan satepan yolik tikonkuitiyas okachi tiempo. Se momachtis iTajtol Dios, kemej yeskia se kitemoua tein tel patiyoj: ijkon kemej okachi tikonajsis, okachi tikonnekis tiontatemos (Pr 2:3-6). Okachi tikonpatiuitas iTajtol Dios uan tionmomatis nochipaya tionmomachtis Biblia (1Pe 2:2).

• Da 7:4

• Da 7:5

• Da 7:6

• Da 7:7

OKSE NETAJTANIL:

¿Keniuj mochiuak Daniel 7:8, 24?

SATEPAN NIMOMACHTIS:

¿Toni kiixnextiaj tapialmej tein ika tajtoua Apocalipsis capítulo 13?