Biblia ininka tajtoua miakej akin kitataujtijkej Jiova uan yejuatsin kinnankilij. Itekitikauan kiitayaj ke yejuatsin kitekipachouaya tein kinpanouaya uan kinpaleuiaya, uan nejon kichiuak maj okachi takuaujtamatinij iuan. Yejua ika, semi moneki maj senkis tikiluikan Jiova keniuj tiknekij maj techpaleui uan maj tikitakan keniuj technankilia. Moneki tikelnamikiskej ke Jiova uelis technankilis kemej amo tikchiayaj oso kichiuas okachi ke tein tiktajtaniaj (2Co 12:7-9; Ef 3:20). Maj tikitakan seki taman kemej Jiova technankilia.

• Techpaleuia maj tichikaujkej, techyolchikaua uan techpaleuia maj mochikaua totakuaujtamatilis para tikixnamikiskej kuejmolmej (Flp 4:13).

• Techmaka tamatilis para kuali titaixpejpenaskej (Snt 1:5).

• Techchikaua uan kichiua maj tiknekikan tikchiuaskej nochi tein kiuelita (Flp 2:13).

• Techyolseuia keman timotekipachojtokej (Flp 4:6, 7).

• Kichiua maj oksekin techpaleuikan uan maj techyolchikauakan (1Jn 3:17, 18).

• Kinpaleuia akin ininka timotataujtiaj (Hch 12:5, 11).

SATEPAN KE TIKONITAS VIDEO JIOVA YEJUA “AKIN KIKAKI NETATAUJTILMEJ”, XIKONNANKILI NEJIN NETAJTANILMEJ:

• ¿Keniuj kinyolchikaua akin mokokouaj tein kipanouani tokniuj Shimizu?

• ¿Keniuj uelis tikchiuaskej kemej tokniuj Shimizu?