Xipaxaloti ipan kali Betel
Timitstlaneuij xipaxaloti ipan kali Betel uan kampa tijchijchiuaj amatlajkuiloli. Xikita kanke eltok uan tlake hora uelis tipaxaloti.
Sampa uelis tipaxaloti: Ipan junio 1, 2023, ipan miak kali Betel tlen miak altepemej sampa pejki kinseliaj katli kinekij paxalotij. Tlaj tijneki tijmatis sekinok tlamantli, xitlanojnotsa ipan nopa kali Betel kampa tijneki tias. Uan tlaj tiyakatsonpilti, tijpia COVID-19 o tlaj timonechkauik iuaya se akajya katli momajtok ika nopa kokolistli, uajka timitstlajtlaniaj amo xia xipaxaloti Betel.
Brasil
Tlen moneki tijmatis tlaj tijneki tipaxaloti
¿Moneki nijtlalis tlake tonali nias? Kena. Kiampa itstosej san katli moijkuilojkej uan nochi yolpakisej kema paxalosej. Xitematiltikaj kema inkinekij inyasej maske inmiakej o amo.
Tlaj nias maske amo nitematiltik, ¿uelis nechnextilisej tlen nopaya onka? Tlaj amo titematiltik, uelis amo. Amo tlauel miakej uelis paxalosej pampa amo uelij kinijkuilouaj miakej.
¿Tlake hora uelis niasiti uan kiampa nechnextilisej tlen nopaya mochiua? Moneki tiasis kema poliui 30 minutos inpaxalosej, kiampa amo mochixtosej miakej maseualmej.
¿Kenijkatsa uelis nijtlapejpenis tlake tonali nias? Xijtsonpechili kampa kiijtoua “Nijneki nipaxaloti”.
¿Uelis nijpatlas tlake tonali nias o nijtlalis ayokmo nijneki nias? Kena. Xijtsonpechili kampa kiijtoua “Nikitas o nijpatlas kema nipaxaloti”.
¿Tlake uelis nijchiuas tlaj ya temitok nopa tonali kema nijneki nias? Nojua xikita jw.org pampa kemantika sekinok ayokmo uelij yauij o kipatlaj tonali.
Xipaxaloti
Rodovia SP-141 - km 43
CESÁRIO LANGE-SP
18285-901
BRAZIL
+55 15-3322-9000
Xikita kanke mokaua
Kampa moselti tikitas tlen eltok
Biblia uan katli kichijki ma moijkuilo. Tlen nikaj kitlalijtokej kiueyichiua Jehová, katli kichijki ma moijkuilo Biblia. Nojkia kipankixtia nopa tlamachtili tlen tlauel ipati: ToTeotsij iTlanauatijkayo. Katli paxalotij uelis kiitasej kenke nojua tijpiaj Biblia ipan ni tonali uan kenijkatsa Jehová amo kikajtok ma kipatlakaj tlen nopaya ijkuilijtok maske miakej kiampa kinektokej kichiuasej.
Kampa tikitas tlen panok uejkajkia: Tlen nikaj kitlalijtokej kinextia kenijkatsa Jehová kichijtok nojua tlauel ma momoyaua tlajtolmoyaualistli ipan kipano 120 xiuitl. Katli paxalotij uelis kiitasej yajyankuik tlamantli tlen kinextia kenijkatsa pejki uan momoyajki tlajtolmoyaualistli ipan Brasil maske kintlatsakuiltijkej toikniuaj.