Amo kenijki tlaj kemantika timokuesouaj. Tlaj kiampa techpano, amo kiijtosneki amo kuali titlaneltokaj. Kemantika Jehová nojkia mokuesoua (Gé 6:​5, 6). Uan tlaj nochipa timokuesojtinemij o timotekipachouaj, ¿tlake uelis tijchiuasej?

Xikiljui Jehová ma mitspaleui. Ya amo kineki ma mitskuatotonijto yon ma mitsyolkokojto se tlamantli. Jehová kiita kema tiyolpakij o timokuesouaj, uan nojkia kimati tlake kichiua kiampa ma tijyolmatikaj (Sl 7:9). Jehová uelis techpaleuis kema timokuesouaj o timotekipachouaj pampa ya techiknelia (Sl 34:18).

Xijmokuitlaui motlalnamikilis. Kema amo kuali tijyolmatij, amo san kichiua ayokmo ma tiyolpakikaj, nojkia uelis kichiuas ayokmo kuali ma timouikakaj iuaya Jehová. Yeka tlauel moneki tijmokuitlauisej tlen timoiljuiaj uan tlen tijyolmatij (Pr 4:23).

ACHTOUI XIKITA NOPA VIDEO TOIKNIUAJ KIPIAJ TLASEUILISTLI MASKE MOKUESOUAJ MIAK TONALI, UAN TEIPA XIJNANKILI NI TLAJTLANILI:

• ¿Tlake kipaleuik Nikki kema mokuesouayaya miak tonali?

  Xikijkuilo tlen titlanankilis

• ¿Tlake kipaleuik Nikki ma kiita monekiyaya yas kiitati se tepajtijketl? (Mt 9:12).

  Xikijkuilo tlen titlanankilis

• ¿Tlake kichijki Nikki uan kiampa motemachik ipan Jehová?

  Xikijkuilo tlen titlanankilis