Tlauel ouij kej tiitstokej ipan itlamia tonali. Uan nojua onkas sekinok kuesoli pampa monechkauijtia kema tlamis tlen amo kuali. Yeka uelis amo tijpiasej tlen ika timopanoltisej (Hab 3:16-18). ¿Tlake techpaleuis amo tlauel timotekipachosej kema kiampa panos? Moneki nochipa timotemachisej Jehová techpaleuis. Ya kiijtojtok kinpaleuis iuampoyouaj uan uelis techmakas tlen monekis maske tikixnamikisej tlen ueli kuesoli (Sl 37:18, 19; Heb 13:5, 6).

¿Tlake ueliskia tijchiuas?

• Xikiljui Jehová ma mitsyakana, ma mitspaleui uan ma mitsmaka tlalnamikilistli (Sl 62:8).

• Xijchiua se keski tekitl maske amo timomajtok tijchiuas (g-S 1/10 iamayo 8, 9, recuadros).

• Nojua xijchiua tlen mitspaleuis kuali xitlaneltoka: mojmostla xijpoua Biblia, xia tlanechikoli uan xitlajtolmoyaua.

ACHTOUI XIKITA NOPA VIDEO XIKINPALEUI MOCHAMPOYOUAJ MA KIIJIYOUIKAJ NOCHI: “XIPAKIKAJ IKA TLEN INKIPIAJ”, UAN TEIPA XIJNANKILI NI TLAJTLANILI:

• ¿Tlake tlamantli kiixnamijkej toikniuaj?

• ¿Tlake moneki tikachtouitlalisej?

• ¿Kenijkatsa uelis tikinpaleuisej katli ouij kipantiaj tlen ika mopanoltisej?