¿KENKE TLAUEL MONEKI? Jesús kiijtok katli moikneliskiaj kinextiskiaj nelia elij itokilijkauaj (Jn 13:34, 35). Tlaj tijnekij titeiknelisej kej Jesús, moneki techtekipachos tlen kinpano sekinok, uan nojkia moneki amo nima tikualanisej (1Co 13:5).

¿TLAKE UELIS TIJCHIUASEJ?

• Kema se akajya techyolkokoua, moneki tikitasej kenke techyolkokok uan tlake panos tlaj nima tikualanij (Pr 19:11).

• Moneki tikilnamikisej nochi titlajtlakolejkej uan kemantika uelis tikijtosej o tijchiuasej se tlamantli tlen teipa techyolkokojtos.

• Nima ma titetlapojpoljuikaj.

ACHTOUI XIKITA NOPA VIDEO AMO NIMA KUALANI UAN KIPIA IYOLO: TLEN TEIKNELIA AMO KAMATI SAN KEJ UELI YON AMO YOLKENTSI, UAN TEIPA XIJNANKILI NI TLAJTLANILI:

• ¿Kenijkatsa tlanankilik Daniel ika tlen Tomás kiiljuik?

• ¿Tlake kipaleuik Tomás amo nima ma mokualanikaj?

• ¿Tlake panok pampa Tomás kuali kinankilik Daniel?