Jehová kichiua se akajya ma momachti Biblia uan ma tlaneltoka (1Co 3:6-9). Yeka, tlaj tijnekij tikinpaleuisej maseualmej ma kitekipanokaj Jehová, moneki timotemachisej ya techpaleuis uan katli tikinmachtiaj.

Xikiljui Jehová ma kinpaleui katli tikinmachtia ma kiixnamikikaj tlaouijkayotl uan kuali ma itstokaj (Flp 1:9, 10). Xikiljui nochipa ma mitsyakana ika itonal kema timoiljuia tijchiuas se tlamantli, uan kema ya tijchiua (Luc 11:13). Xikinnextili katli tikinmachtia kenijkatsa momaijtosej uan xikinpaleui kiampa ma kichiuakaj. Ximomaijto ininuaya, uan xikijto inintoka kema timomaijtoua.

ACHTOUI XIKITA NOPA VIDEO TIYOLPAKIS TLAJ TIJPALEUIS SE MASEUALI. XIJKAUA JEHOVÁ MA MITSPALEUI: IKA TLAMAIJTOLI, UAN TEIPA XIJNANKILI NI TLAJTLANILI:

• ¿Tlake tlaouijkayotl kiixnamijki Rita kema kimachtiyaya Jade?

• ¿Kenijkatsa kipaleuik Rita 1 Corintios 3:6?

• ¿Kenijkatsa mosenkajki nopa tlaouijkayotl?