Nopa pilamochtsi ¿Ajkia inijuantij kichiuaj tlen Jehová kineki ipan ni tonali?, tijtekiuiaj kema tijmachtiaj se akajya. Uelis tikixtomilisej kema peuas tijmachtisej o kema titlamisej. * Nopa tlamachtili 1-4 kiixtoma ajkia inijuantij Jehová itlajtoltemakauaj, tlamachtili 5-14 kiixtoma tlake kichiuaj, uan tlamachtili 15-28 kiijtoua kenijkatsa mosentikapaleuiaj. Maske kinamiki tikixtontiasej sejse tlamachtili, tlaj katli tijmachtiaj kitlapejpenia seyok, ya nopa ma tikixtomilikaj. Uelis tikixtomasej se tlamachtili ipan se makuili o matlaktli minutos pampa nopa tlamachtili amo uejueyi.

• Xijpouili nopa tlajtlanili tlen monankilis ipan nopa tlamachtili.

• Uelis inkipojtiasej sejsentsitsij párrafos, o nochi nopa tlamachtili.

• Xikixtomili tlen inkipojkej. Xijchiuili nopa tlajtlanili tlen uala kampa tlami sejse tlamachtili uan xikixtomili tlen nesi ipan tlaixkopinkayomej. Xijtlapejpeni tlake textos tijpouilis uan tikixtomilis. Xijnextili kenijkatsa tlen kiijtoua nopa yayauik tlajkuiloli kinankilia nopa tlajtlanili tlen eltok kampa peua.

• Tlaj ipan se tlamachtili eltok nopa recuadro “Xijchiua ni”, ma kipoua uan xikiljui ma kichiua kampeka kichiuas tlen nopaya kiijtoua.