TLEN TLAUEL IPATI KATLI BIBLIA TLAMACHTIA

Nochipa ma tikiljuikaj Jehová ma techyakana

Ma kakisti ipan

Israeleuanij miakpa kitlajtlanijkej Jehová ma kinyakana (Jue 20:17, 18, 23; w11 15/9 iamayo 32 párr. 2).

Israeleuanij motemachijkej ipan Jehová pampa kinekiyayaj ma kinpaleui (Jue 20:26-28).

Nochipa ma tikiljuikaj Jehová ma techyakana uan ma timotemachikaj ipan ya (Jue 20:35; Lu 11:9; w11 15/9 iamayo 32 párr. 4).

XIMOTLAJTLANI: “¿Nima nikiljuia Jehová ma nechpaleui kema nikixnamiki se tlaouijkayotl? ¿Nochipa nijtlajtlania Jehová ma nechmaka tlalnamikilistli uan ma nechyakana?”.

TLEN TIJCHIUASEJ IPAN TLANECHIKOLI KEJ TIMONEJNEMILTIAJ UAN TITLAJTOLMOYAUAJ