TLAMACHTILI 3
¿Kenijkatsa itstoyaj ipan xochimili?
Jehová kinmakak Adán uan Eva miak kuajkuali tlamantli (Génesis 1:28)
Jehová kichijki nopa achtoui siuatl katli motokaxtik Eva, uan kimaktilik Adán uan ya elki isiua (Génesis 2:21, 22).
Kema Jehová kinchijki amo eliyayaj tlajtlakolejkej, yeka kipixtoyaj kuali inintlalnamikilis uan kuali inintlakayo.
Itstoyaj ipan xochimili Edén: kampa tlauel tlayejyektsi, nopaya onkayaya ueyatl, kuauitl tlen kipiayaya itlajka uan itstoyaj tlapialmej.
Jehová kinnojnotsayaya uan kinmachtiyaya. Tlaj kitlakakilijtoskiaj itstoskiaj nochipa ipan nopa xochimili.
ToTeotsij kiniljuik san ma amo kikuakaj se kuauitl itlajka (Génesis 2:16, 17)
Se iluikaejketl kiijixnamijki toTeotsij. Ni amo kuali iluikaejketl kitokaxtijkej Satanás uan Diablo.
Jehová kinnextilik Adán uan Eva se kuauitl itlajka katli eltoya ipan xochimili uan kiniljuik tlaj kikuaskiaj, mikiskiaj.
Satanás amo kinekiyaya Adán uan Eva ma kineltokakaj Jehová. Yeka kichijki se kouatl ma kiiljui Eva amo mikiskia uan eliskia kej toTeotsij tlaj kikuaskia tlen kiniljuijtoyaj ma amo kikuakaj. ¡Ni eliyaya san se istlakatili! (Génesis 3:1-5.)
Tlen nojkia mitspaktis tikitas
TLAMACHTILI TLEN TLAUEL IPATI
¿Kenke toTeotsij kichijchijki Tlaltipaktli?
Tlaltipaktli tlauel yejyektsi. Amo tlauel uejka yon amo tlauel nechka eltok tlen tonati, nakaschikilijtok kej kinamiki uan moyaualoua kej kinamiki. ¿Kenke toTeotsij tlauel kuali kichijchijki Tlaltipaktli?
BIBLIA, ¿TLAKE TLAMACHTILI KIPIA?
Tlachijchijketl kinmakak maseualmej se xochimili
¿Kenijkatsa kiijtoua Biblia toTeotsij kinchijki maseualmej? ¿Tlake kinnauatik ma kichiuakaj?
