TLAMACHTILI 03
¿Uelis timotemachisej ipan tlen Biblia kiijtoua?
Biblia kiijtoua tlake panos teipa uan nojkia techpaleuia kuali ma timonejnemiltikaj. Maske uelis tijneki tijmatis tlake tlamachtia Biblia, uelis nojkia timoiljuia tlaj nelia mitspaleuis ipan monemilis uan tlaj uelis timotemachis ipan tlen kiijtoua panos teipa. Miakej maseualmej kiitstokej kena uelis motemachisej ipan tlen Biblia kiijtoua. Xikita kenke kiampa moiljuiaj.
1. ¿Nelia panok tlen Biblia kiijtoua?
Biblia kiijtoua kipia “tlajtoli tlen senkistok melauak” (Eclesiastés 12:10). Pampa tlen nopaya kiijtoua nelia panok uan nopa maseualmej nelia itstoyaj (xijpoua Lucas 1:3 uan 3:1, 2). Miakej katli momachtiaj tlen panok uejkajkia kiitstokej nelnelia tlen Biblia kiijtoua, kej inintoka maseualmej, altepemej, xiuitl uan tlamantli tlen panok.
2. ¿Uelis techpaleuis tlen Biblia kiijtoua maske uejkajkia moijkuilok?
Biblia kipia tlamachtili tlen ixtlamatinij momachtiaj uan tlen uejkajkia maseualmej amo kimatiyayaj. Yeka kema moijkuilok, maseualmej amo kineltokayayaj tlen nopaya kiijtoua. Uan nama ixtlamatinij kiitstokej nelia tlen Biblia kiijtoua. Tlen nopaya kiijtoua “nochipa technextilia tlen melauak uan tlen xitlauak” (Salmo 111:8).
3. ¿Kenke uelis timotemachisej ipan tlen Biblia kiijtoua panos teipa?
Biblia kipia miak tlajtolpanextili a tlen nojua ayamo mochiua (Isaías 46:10). Maske poliuiyaya miak xiuitl, Biblia kiijtok miak tlamantli tlen panoskia uan tlen nelia mochijki. Nojkia kiijtok panoskia nochi tlen nama tikitaj. Ipan ni tlamachtili tikitasej kenijkatsa moaxitijtok se keski tlajtolpanextili tlen uala ipan Biblia.
KUALI XIMOMACHTI
Ma tikitakaj kenke tlen Biblia kiijtoua eli sanse ika tlen kiijtouaj ixtlamatinij uan kenijkatsa moaxitijtok tlen kiijtok panoskia.
4. Tlen Biblia kiijtoua eli sanse ika tlen kiijtouaj ixtlamatinij
Uejkajkia miakej maseualmej moiljuiyayaj Tlaltipaktli motetonijtoya ipan se tlamantli. Xikitakaj nopa VIDEO.
Xikita tlen moijkuilok ipan pilamochtsi Job kipano 3,500 xiuitl. Xijpouakaj Job 26:7 uan xijnankilikaj ni tlajtlanili:
-
¿Tlake timoiljuia kema tikita Biblia kiijtoua Tlaltipaktli eltok san ajakatipa?
Kema ya panotoya xiuitl 1800, maseualmej kikuamachilijkej kenke amo kema tlami atl ipan Tlaltipaktli. Nama xikita tlake moijkuilok uejkajkia ipan Biblia. Xijpouakaj Job 36:27, 28 uan xijnankilikaj ni tlajtlanili:
-
¿Kenke tlauel ipati tlen kiijtoua ni texto?
-
¿Mitspaleuia nopa textos nojua ximotemachi ipan Biblia?
5. Biblia kiijtok tlen panoskia teipa
Xijpouakaj Isaías 44:27–45:2 uan xijnankilikaj ni tlajtlanili:
-
Kema nojua poliuiyaya 200 xiuitl, ¿tlake kiijtok Biblia panoskia kema moaxkatiskiaj Babilonia?
Miak tlamantli kinextia Ciro uan itlateuijkauaj moaxkatijkej Babilonia ipan xiuitl 539 kema ayamo ualayaya Jesús, Ciro eliyaya tlanauatijketl tlen Persia. Achtoui kichijkej sejkanok ma yaui nopa atl tlen panoyaya Babilonia. Teipa nopa tlateuianij kalajkej ipan nopa altepetl pampa kaltlapojtoya, kiampa moaxkatijkej nopa altepetl. Maske ya panotok 2,500 xiuitl, ipan altepetl Babilonia nojua amo aka itstok. Nama xikita tlen kiijtok Biblia.
Xijpouakaj Isaías 13:19, 20 uan xijnankilikaj ni tlajtlanili:
-
¿Kenijkatsa moaxitik tlen kiijtoua ni texto?
Ipan ni tonali, kej ni nesi Babilonia ipan Irak
6. Biblia kiijtok tlen panoskia ipan ni tonali
Biblia kiijtoua tiitstokej ipan “itlamia tonali” (2 Timoteo 3:1). Xikita tlen kiijtok panoskia.
Xijpouakaj Mateo 24:6, 7 uan xijnankilikaj ni tlajtlanili:
-
¿Tlake kiijtok Biblia panoskia ipan itlamia tonali?
Xijpouakaj 2 Timoteo 3:1-5 uan xijnankilikaj ni tlajtlanili:
-
¿Kenijkatsa kiijtok Biblia eliskiaj maseualmej ipan itlamia tonali?
-
¿Ta kenijkatsa tikitstok elij maseualmej?
TLEN SEKINOK KIIJTOUAJ: “Tlen Biblia kiijtoua amo nelia panok”.
-
¿Tlake tlamantli mitspaleuia ximotemachi ipan tlen Biblia kiijtoua?
TLEN TIMOMACHTIJKEJ
Ixtlamatinij, katli momachtiaj tlen panok uejkajkia uan tlajtolpanextili kinextia uelis timotemachisej ipan tlen Biblia kiijtoua.
¿Tlake tijyekok?
-
¿Nelnelia panok tlen Biblia kiijtoua o amo?
-
¿Kenke tlen ixtlamatinij kiijtouaj kinextia nelnelia tlen Biblia kiijtoua?
-
¿Timoiljuia Biblia kiijtoua tlen panos teipa? ¿Kenke kiampa timoiljuia?
NOJKIA XIKITA NI
Tlen kiijtouaj ixtlamatinij, ¿kinextia melauak tlen Biblia kiijtoua?
“¿Eli sanse tlen kiijtoua Biblia ika tlen ixtlamatinij kiijtouaj?” (Tlamachtili ipan jw.org)
¿Tlake kinextia tiitstokej ipan itlamia tonali?
“Chikuasej tlajtolpanextili tlen moaxitia ipan ni tonali” (Tlen Tematiltia, mayo 1, 2011)
Xikita kenijkatsa moaxitik tlen Biblia kiijtok panoskia ipan altepetl Grecia.
Tlajtolpanextili techpaleuia kuali ma titlaneltokakaj (5:22)
Xikita kenijkatsa kipaleuik se tlakatl kema kiitak moaxitia nochi tlen Biblia kiijtoua.
“Nimoiljuiyaya amo itstok toTeotsij” (Tlen Tematiltia, tlamachtili)
a Se tlajtolpanextili eli tlen toTeotsij kiijtoua panos teipa.
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
