TLAMACHTILI 53
Ximoyolpakilti ika tlamantli tlen Jehová kipaktia
Jehová tlauel yolpaki (1 Timoteo 1:11). Uan kineki nojkia ma tiyolpakikaj. Ya amo san kineki ma titekitikaj, nojkia yolpaki kema kiita timosiajketsaj uan timoyolpakiltiaj. Ipan ni tlamachtili tikitasej kenijkatsa uelis timoyolpakiltisej uan kuali tijyolmatisej kema timosiajketsasej, uan kiampa tlen tijchiuasej kipaktis Jehová.
1. ¿Tlake moneki tikilnamikisej kema timoiljuisej ika tlake timoyolpakiltisej?
¿Tlake mitspaktia tijchiuas kema timosiajketsa? Sekij kinpaktia tlapouasej ininchaj, kikakisej uikatl, kiitasej se película o kitekiuisej internet. Uan sekij kinpaktia kichiuasej se keski tlamantli ininuaya ininuampoyouaj, kej yasej nejnemitij, ajkisej o mauiltisej. Maske amo techpaktia tijchiuasej sanse tlamantli, nochipa moneki tikitasej tlaj “kipaktia toTeko” tlen tijchiuaj (Efesios 5:10). Kiampa moneki tijchiuasej pampa ipan ni tonali miakej maseualmej kinpaktia moyolpakiltisej ika tlamantli tlen Jehová kikualankaita, kej kampa nesij katli mosisiniaj, katli kichiuaj tlen amo kuali iuaya katli amo ininnamik o tlen kichiuaj tetlajchiuianij (xijpoua Salmo 11:5). ¿Tlake techpaleuis kuali ma tijtlapejpenikaj tlen ika timoyolpakiltisej?
Tlaj tikintlapejpeniaj touampoyouaj katli kiikneliaj Jehová, techpaleuis ma tijchiuakaj tlen kuali uan nojkia kuali tijtlapejpenisej tlen ika timoyolpakiltisej. Ipan tlamachtili 48 tikitakej katli “nemi ininuaya tlen tlalnamikij mochiuas tlalnamiki”. Uan katli itstok miak tonali ininuaya katli amo kitlepanitaj itlanauatiljuaj Jehová, kipanos tlen amo kuali (Proverbios 13:20).
2. ¿Kenke moneki amo tlauel tiuejkauasej kema timoyolpakiltiaj?
Maske amo timoyolpakiltiaj ika tlamantli tlen Jehová kikualankaita, moneki ma tikitakaj tlaj amo tlauel tiuejkauaj. Pampa tlaj kiampa tijchiuaskiaj, amo ueliskia tijchiuasej se keski tlamantli tlen tlauel ipati. Biblia kiijtoua: “Amo ximotonalpolokaj” (xijpoua Efesios 5:15, 16).
KUALI XIMOMACHTI
Ma tikitakaj tlake uelis tijchiuas uan kiampa kuali tijtlapejpenis tlen ika timoyolpakiltis.
3. Amo ximoyolpakilti ika tlamantli tlen amo kuali
¿Kenke moneki kuali tikitasej ika tlake timoyolpakiltisej? Xikitakaj nopa VIDEO uan xijnankilikaj ni tlajtlanili:
-
¿Kenke eli sanse kej moyolpakiltiyayaj uejkajkia ipan Roma uan ipan ni tonali?
-
Kej tikitakej ipan video, ¿tlake moiljuik Danny tlen ika moyolpakiltiyaya?
Xijpouakaj Romanos 12:9 uan xijnankilikaj ni tlajtlanili:
-
¿Kenijkatsa techpaleuia ni texto kuali ma tijtlapejpenikaj tlen ika timoyolpakiltisej?
¿Tlake tlamantli kikualankaita Jehová? Xijpouakaj Proverbios 6:16, 17 uan Gálatas 5:19-21. Kema inkipojtiasej sejse texto, xijnankilikaj ni tlajtlanili:
-
Tlen kiijtoua ni textos, ¿ika tlake tlamantli tlauel kinpaktia moyolpakiltisej maseualmej ipan ni tonali?
¿Tlake mitspaleuis kuali tijtlapejpenis tlen ika timoyolpakiltis?
Ximotlajtlani:
-
¿Ika tlake? ¿Eli tlamantli tlen Jehová kikualankaita?
-
¿Kema? ¿Ayokmo uelis nijchiuas tlen tlauel ipati pampa ayokmo nijpias tonali?
-
¿Iuaya ajkia? ¿Niitstos miak tonali ininuaya katli amo kiikneliaj Jehová?
Tlaj amo tijnekij ma techpano tlen amo kuali, moneki amo tipanosej kampa mauilili. Uan kema timoyolpakiltisej nojkia amo kinamiki tijchiuasej o tikitasej tlen kichiuas ma techpano tlen amo kuali.
4. Amo ximotonalpolo
Xikitakaj nopa VIDEO uan xijnankilikaj ni tlajtlanili:
-
Maske nopa toikni katli nesi ipan video amo kichiuayaya tlen amo kuali, ¿tlake kipanok pampa amo kuali kitekiuiyaya tonali kema mosiajketsayaya?
Xijpouakaj Filipenses 1:10 uan xijnankilikaj ni tlajtlanili:
-
¿Kenijkatsa ni texto uelis techpaleuis kuali ma timoiljuikaj keski horas tiuejkauasej kema timoyolpakiltisej?
5. Kuali xijtlapejpeni tlen ika timoyolpakiltis
Maske Jehová amo kineki ma timoyolpakiltikaj ika se keski tlamantli, kena onka miak tlamantli tlen ika uelis timoyolpakiltisej. Xijpouakaj Eclesiastés 8:15 uan Filipenses 4:8 uan xijnankilikaj ni tlajtlanili:
-
¿Ika tlake tlamantli tlen kuali mitspaktia timoyolpakiltis?
Kena uelis timoyolpakiltisej ika tlamantli tlen kuali.
TLEN SEKINOK KIIJTOUAJ: “Amo kenijki tlaj nimoyolpakiltis kampa nesij katli mosisiniaj, katli kichiuaj tlen amo kuali iuaya tlen amo ininnamik o tlen kitekiuiaj amo kuali ajakamej, pampa na amo nijchiua nopa”.
-
¿Ta tlake tikijtoskia?
TLEN TIMOMACHTIJKEJ
Jehová kineki kuali ma tijtlapejpenikaj tlen ika timoyolpakiltisej uan ma tiyolpakikaj kema kiampa tijchiuaj.
¿Tlake tijyekok?
-
¿Ika tlake tlamantli amo moyolpakiltiaj Cristo itokilijkauaj?
-
¿Kenke moneki tikitasej tlaj amo tlauel tiuejkauaj kema timoyolpakiltiaj?
-
¿Kenke tijneki timoyolpakiltis ika tlamantli tlen Jehová kipaktia?
NOJKIA XIKITA NI
Xikita ajkia kinamiki kitlapejpenis tlen ika timoyolpakiltis.
Xikita tlake mitspaleuis kuali tijtlapejpenis tlen ika timoyolpakiltis.
“¿Mitspaleuia tlen ika timoyolpakiltia?” (Tlen Tematiltia, octubre 15, 2011)
Xikita kenke se tlakatl ayokmo moyolpakiltik ika se keski tlamantli ipan nopa tlamachtili “Ayokmo nitechikoitak”.
“Biblia kinpaleuik kuali ma monejnemiltikaj” (Tlen Tematiltia, febrero 1, 2010)
Xikita tlaj se siuatl moyolpakiltik ika tlamantli tlen kitekiuiaj amo kuali ajakamej.
Amo ximoyolpakilti ika tlen kitekiuiaj amo kuali ajakamej (2:02)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
