ǃNāsa khoen ge ǃgâise Gaosib haisi-amsa ra ǃkhōǃoa ǁîn ǁgûsi gowab ǃnân ga ǃhoa-ūhe o. Pinkstertsēs 33ǁî kurib ǃnâb ge Jehovaba ge ǃaroma în ‘hoa ǁaedi, ǀhommi ǃnāga’ hâde ǃgâiǂhôasa ‘ǁîn gowab ǃnâ’ aoǁnâbahe. Hebregowab tamas ka io Grikegowaban gere ǃhoa xawe. (ǃNǃkh. 2:5, 8) ǃKharagaǃnâgu gowagu ra ǃhoahe aoǁnâ ǂharidi ǃnâ gu ge ǀnî ǀhaohâga ǃkharagaǃnâgu ǀhaodi tsî aoǁnâ ǂharidi tsîna ūhâ. Matin aoǁnâ-aona ǁnāti i ǂhariden ra sîsen ǁaeb ǃnâ a sîsenǀhao ǁlkhā în tā aoǁnâban ra khoena ǁaixa kai?

• ǀApemāgus (ǂKhm. 15:22): Aoǁnâ sîsen-e ra mûǂam ǃgâsagu ǃkharagaǃnâgu ǀhaohâgu digu ge nî ǀapemāgu tsî nî sîsenǀhao matis ǃgâiǂhôasa ǃamku ǀgaub ǃnâ nî dīhesa. ǀNî ǀhaohâgu hîna ǀnî hâ gowagu ǃnâ ra aoǁnâgu ge nî ǂhâba î du ǁîn gowaba ra ǃhoa khoen omde ǃkharu. Xawes ga ǂharisa kaise kai o, o i ge nî ǃgâi î du tā omde ǃkharuǀkhā. Xawe du ge khoe-i ga amab ǃnâ ǃgâiǃgâibasensa ūhâ o, ǃgâsana a mîba ǁkhā, ǁnā gowaba ra ǃhoana. (od-E 93 ¶37) Nē ǃgâsan ge ǀnîsi a ǂgan du ǁkhā î du ǁîn gowaba ra ǃhoa khoen oms ǃgôade ǁîna mā. (km-E 7/12 5, boksis) Xawe ǂâis ǃnâ ūhâ re, ǀgui oms ai i ge ǀguis xa ǃnāsa gowaga a ǃhoahe ǁkhā. Aoǁnâ ǂharisa da ra dī toa ǂgao xawe da ge khoen di ǂhanuga ra ǃgôaǃgâ ǂgao khoena ǂhani tamase.

• Sîsenǀhaos (Efe. 4:16): Aoǁnâ sîsen-e ra mûǂam ǃgâsab daoǁgaude sao re. Elobmîsa du khoe-e ra ǁkhāǁkhā hîna sadu ǀhaohâb ǃnâ ra ǃhoahe gowaba ǃhoa tama-e? Nē khoe-i hîna Elobmîsa ra ǁkhāǁkhāsen i ge ǃhaese ǁî-i gowab ra ǃhoaǃnâhe ǀhaohâb ǃnâ gagasise a ǀgai ǁkhā.

• Aiǂhomisen re (ǂKhm. 15:28; 16:1): Oms khoe-i hîna ǀnî hâ gowaba ra ǃhoa i ǀkha du ga ǀhao o, os tsîna dītsâ re ǁî-e ǃgâiǂhôas xa mîbasa. ǁAeb aiǃâ ǂhomisen re, î du ǁnā khoe-i gowab ǃnâ Elobmîs tsî vidiogu tsîna sadu ǁâǁawab ai ǃnaoǁnâ. JW Language appa du ge a sîsen-ū ǁkhā ǀnî hâ gowab ǃnâ tawede ǀgaūba ǁkhāǁkhāsens ǃgao.