1. Mâ ǂhâǂhâsa mîǁguiban hoa khoena nî dī?

 KHOEN ge nētsē ǂhâǂhâsa mîǁguiba nî dī. Jehovaban ǀhommi tsî ǃhūbaib di ǂgaeǂgui-aob ase nî ūǃoa. Tamas ka ion ǁîb di khākhoeb ǁGâuaba nî ǂkhâǃnâ? Hoa khoen ge ǀkhā-e nî ǁhûi. ǁÎn ra ǁhûi mîǁguib ge, ǁîn ǀamo ûiba nî tsâǀkhā. (Mat. 25:31-33, 46) ‘Kai ǁgâiǀāb’ ǃnân ge ûiǃkharus tamas ka io hîkākās ǃgao nî saohe.—J.ǂHa. 7:14; 14:9-11; Ese. 9:4, 6.

2. (a) Hebreǁîn 10:35-39 sa tae-e dīsa ra ǂkhâǃnâ da? (b) ǂHaiǂhais ǂkhinisa mati a hui da ǁkhā?

² Khomai re Hebreǁîn 10:35-39 sa. Jehovab ǂgaeǂguisa ǂkhâǃnâsa du ga ǁhûi o du ge gā-ai mîǁguiba dī hâ. Tsî du ge nauna ra hui ǂgao în ǂhanu mîǁguiba dī. ǂHaiǂhais ǂkhinisa du ge a sîsenū ǁkhā î du ǁîna hui. Nē ǂkhinis ge Jehovaba ra mâǃoan ǀkha i tae-e nî īs. Tsî Jehovab ǂgaeǂguisa ǂgomǂgomsase ra ǂkhâǃnân nî hō ǀkhaega ra ǁgau. Nē ǂhâǂhâsa amaba da ge nî ôaǃnâ. Nēsa dīs ge nî hui da î da Jehovaba ǃoaba ǀgara. ǁNās xōǀkhā da ge ǁkhāǁkhāsen da ra xūna a sîsenū ǁkhā î da nauna hui în. ǃGâi mîǁguiga dī tsî Jehovaba ǃoaba ǀgara.

3. Tae-e da nē ǁkhāǁkhāǃâs ǃnâ nî ǃhoaǃgao?

³ Nē ǁkhāǁkhāǃâs ǃnâ da ge sao ra dîde nî ǃhoaǃgao: Tae-e nî ī Jehovab ǂgaeǂguisa ra ǂkhâǃnân ǀkha? Tae-e nî ī ǂHaiǂhais ǂkhinis ǃnâ ra mîhe ǀapa ǀguruba ra ǂkhâǃnân ǀkha?

4. Apostel Johaneba mâ groep sa Jesub ǀkha ra mû?

⁴ Apostel Johaneb ge ǀgam groep ra hîna Jehovab ǂgaeǂguisa ǂkhâǃnâ. Tsî ǀamo ûib ǀkhaega ra hōna ra mû. ǂGuro groeps khoen ge 144 000. (J.ǂHa. 7:4) ǁÎn ge ǃhūbaiba xu ūsa în ǂhanuba kuruǂui. Tsîn ge Jesub ǀkha ǃhūbaib ai nî ǂgaeǂgui. (J.ǂHa. 5:9, 10; 14:3, 4) Johaneb ge ǁîb di ǁhapos ǃnâ Jesub ǀkhan. Sionǃhommi ai ǀhommi ǃnâ mâse ra mû nî.—J.ǂHa. 14:1.

5. Tae-e ǀgūǁae ǃhūbaib ai ǃgau hâ 144 000 ǂkhauhesan ǀkha nî ī?

⁵ Apostelgu ǁaeba xu nēsis kōsen ge. ǂGui khoena ra ǁhûihe, în 144 000 khoen di ǃâ kai. (Luk. 12:32; Rom. 8:17) Johaneb ge ra mîbahe ǂkhari ǃgôab di khoen. ǀUni tsēdi ǃnâ ǃhūbaib ai nî ûitsâmasa. ‘Naun’ ǃgau hân ge ǀuniga “saos” mā-ams disa, kai ǁgâiǀāb nî tsoatsoas aiǃâ nî hō. (J.ǂHa. 7:2, 3; 12:17) Kai ǁgâiǀāb ǁaeb ǃnân ge nē ǂkhari ǃgôab di khoena ǀhomma ǃoa nî ī. Tsî ǀnai ge ǂgomǂgomsase ǁō 144 000 ǂkhauhesan ǀkha nî ǀhaoǀhaohe. ǁNāpan ge Jesub ǀkha Elob Gaosib ǃnâ nî ǂgaeǂgui.—Mat. 24:31; J.ǂHa. 5:9, 10.

6-7. (a) Mâ groeps khoenab Johaneba ra mû tsî ǁîna xu da tae-e ra ǁkhāǁkhāsen? (b) Tae-i ǃaroman ǂkhauhesan tsî ‘ǂgui khoen’ tsîna ǂHaiǂhais di 7ǁî danaǃâs ǃnâ ǃgâiǃgâibasensa nî ūhâ?

⁶ ǀHomsi groep sab ge mû toas khaoǃgâb ge Johaneba. “Kai ǂnubis” tamas ka io ǂgui khoena ge mû. Elobmîs ge mî tama hâ matikō khoen nē groeps ǃnâ nî hâsa. ǁÎn ge a ǃgôahe ǁoa. (J.ǂHa. 7:9, 10) Tae-e da ǁîn xa ra ǁkhāǁkhāsen? Johaneb ge ge mî: “Nēn ge ǁnān, kai ǁgâiǀāba xu go ǀkhīn, tsî saran âna ǁKhaob di ǀaob ǃnâ ǁā tsî ǃuriǃuri hâna.” (J.ǂHa. 7:14) Kai ǁgâiǀāb khaoǃgân ge “kai ǂnubis” khoena. Nēba ǃhūbaib ai nî ûi. Tsî kai ǀkhaega nî ǃkhōǃoa.—Psa. 37:9-11, 27-29; ǂKhm. 2:21, 22; J.ǂHa. 7:16, 17.

⁷ ǀHommi tamas ka io ǃhūbaib ai da ga hâ xawe. Mûsen i da ra ǂHaiǂhais 7ǁî danaǃâs ǃnâ ra mîhe xūn ǃnâ. Îo ǁnāsa da ge nî dī. ǁNāb ge kaise nî ǃgâi ǁaeba, hoa ǀgam groep ra Elob khoen di ra ǃaroma. Kaise da ge nî ǃgâiaǂgao Jehovab ǂgaeǂguisa ǂkhâǃnâsa da ge ǁhûi ǃkhais ǃaroma. ǂHaiǂhais ǂkhinisa noxoba tae-e kai ǁgâiǀāb xa ra mî?—Mat. 24:21.

8. Kai ǁgâiǀāba mati nî tsoatsoa tsî ǃnāsa khoena mati nî tsâǀkhāhe?

⁸ ǃKharugo ǁkhāǁkhāǃâs ǃnâ da ge go ǁkhāǁkhāsen, nē ǃhūbaib ǂhanugu. Babilons kais, ama tama ǂgomdi ǂnûǁkhaeba-aosa ǀgūǁae nî ǁnāǂam ǃkhaisa. (J.ǂHa. 17:16, 17) Nēs ge nî kai ǁgâiǀāb di tsoatsoa i. Nēs xa ǃaromahe hâsen, ǂguina Jehovaba nî ǃoaba tsoatsoa? Hî-i. ǂHaiǂhais 6ǁî danaǃâs ge ra ǁgau nē ǁaeb ǃnân. Jehovaba ǃoaba tama khoena politiek ǃnan di. Tsî ǂhanuga xu ǁkhaubasa nî ôasa. Nēs ge ǃhomgu ǀkha ra ǀgopeǀnōhe. ǁNā khoen Elob Gaosiba ǂkhâǃnâ tama hâ amagab ge. Jehovaba ǁîn mâǃoa-aob ase nî mû.—Luk. 11:23; J.ǂHa. 6:15-17.

9. Jehovaba ra ǃoaba khoena mati nî mâǂoa, kai ǁgâiǀāb ǃnâ. Tsî mâ ǀamǂoas ǀkha?

⁹ Jehovab ǂgomǂgomsa ǃoaba-aon ge, kai ǁgâiǀāb ǃnâ nau khoena xu nî mâǂoa.  ǁÎn ǀguin ge Jehovaba ra ǃoaba khoen ase nî ǃgau. Tsî “ǀgurub” tamas ka io nē ǃhūbaib ǂhanuga ǂkhâǃnâ tide. (J.ǂHa. 13:14-17) ǁÎn ǂgomǂgomsase Jehovaba ra ǃoaba ǀgara amagan ge. ǁNān hîna Jehovaba ra mâǃoana nî ǁaixa. Nēs xa ǃaromahe hâse i ge ǃhūga ǀhaohâse. Jehovab ǃoaba-aona ǃhūbaib ǂhawase nî ǁnāǂam. Nē ǁnāǂams ge Gogi, ǃhūb Magogi di ra ǂgaihe.—Ese. 38:14-16.

10. ǂHaiǂhais 19:19-21 ǃnâ i ra ǁguiǃāhe khamib Jehovaba ǁîb khoena ra ǁnāǂam khoen ǀkha tae-e nî dī?

¹⁰ Jehovaba nē ǁnāǂams xa tae-e nî dī? ǁÎb ge ra mî: ‘Ob ge ti ǁaiba nî khâi’ ti. (Ese. 38:18, 21-23) ǂHaiǂhais di 19ǁî danaǃâsa tae-i saorase nî īsa ra ǁguiǃā? Jehovab ge ǁîb ǀgôaba ra sî, îb ǁîb khoena ǁkhauba tsî ǁîb mâǃoa-aona hîkākā. Jesub ge “ǀhommi ǃnâ hân” ǀkha nî sîsen ǀhao. ǁNān ge ǂgomǂgomsa ǀhomǃgāgu tsî 144 000 ǂhauhesan tsîna. (J.ǂHa. 17:14; 19:11-15) Nē toroba mati nî ǀam? Hoa khoen tsî groepan hîna Jehovaba ra mâǃoan ge nî hîkākāhe.—Khomai re ǂHaiǂhais 19:19-21 sa.

11. Mâ ǂhâǂhâsa xū-e ǂHaiǂhais ǂkhinis ǃnâ ra ī?

¹¹ ǂÂi re, matin ǃhūbaib ai hâ ǂgomǂgomsana nî tsâsa. Elob khākhoen ga hîkākāhe o. ǁNā ǁaeb aib ge kai ǃgâiaǂgaoba nî hâ. Babilons ga hîkākāhe tsîb ga kai ǃgâiaǂgaoba ǀhommi ǃnâ hâ. Xawe i ge ǀkhara xu i tsîna hâ ǃgâiaǂgaoba nî hau-e. (J.ǂHa. 19:1-3) ǁNā i ge kaise ǂhâǂhâsa xū-i hîna, ǂHaiǂhais ǂkhinis ǃnâ ra mîhe-e. ǁNāb ge ‘ǁKhaob di ǃgammeba.’—J.ǂHa. 19:6-9.

12. ǂHaiǂhais 21:1, 2 ǃoagub ǁKhaob di ǃgammeba mâǁae nî hâ?

¹² ǃGammeba mâ ǁaeb ai nî hâ? Armagedons di torob nî tsoatsoas aiǃâ i ge. Hoa 144 000 ǃgâsana ǀhommi ǃnâ nî hâ. Xawe ǁnāb ge ǁKhaob di ǃgamme tamaba. (Khomai re ǂHaiǂhais 21:1, 2 sa.) ǁKhaob di ǃgammeb ge Armagedons di torob khaoǃgâ ǀgui nî hâ. Elob khākhoen ga ūbē o.—Psa. 45:3, 4, 13-17.

13. ǁKhaob di ǃgammeba ǂkhauhesan ǃaroma tae-e ra ǂâibasen?

¹³ ǁKhaob di ǃgammeba ǂhauhesan ǃaroma tae-e ra ǂâibasen? ǃGammeb aob tsî taras tsîna ra ǀhaobe khamib ge. ǁKhā ǀgaub ǃnâ ǁKhaob di ǃgammeba Gao-aob. Jesu Xristuba 144 000 na ǁîb di ‘taras’ ǀkha ra ǀhaoǀhao. ǁNā ǂhâǂhâsa ǁaxasib ge ǀasa ǂhanuba nî ǂnûiǂgā. Hîna ǃhūbaiba 1 000 kuriga nî ǂgaeǂguiba.—J.ǂHa. 20:6.

14-15. ǂHaiǂhais 21 danaǃâsa 144 000 khoena tae-i ǀkha ra ǀgōpeǀnō? (Tsoatsoas ai hâ ai-īsiba kō re.)

¹⁴ ǂHaiǂhais 21ǁî danaǃâs ge 144 000, ǂhauhesana ‘ǀasa Jerusalems’ ǀkha ra ǀgopeǀnō. (JǂHa 21:2, 9) ‘Nē ǃās ge 12 ǃgaoǃgaoga (fondasie ga) ge ūhâ i. Tsî ǁîgu ai i ge 12 apostelgu ǁKhaob digu di ǀonde ge xoasa i.’ Johaneba tae-i ǃaroma ǃgâiǃgâibasensa nēs ǃnâ ge ūhâ i? ǁÎb ǀons nē ǀuidi ai xoahe hâsab ge mû amaga. Nēb ge kai aiǂhanu ge ibaǃ—J.ǂHa. 21:10-14; Efe. 2:20.

¹⁵ Nē ǃās ge nau ǃādi khami ī tama hâ. ǁÎs di straat gu ge ǃhuni [goud] ǀuriba xu a kurusa. 12 Hekti ge karaba xu a kurusa, mirgu tsî fondasieb ge îsa ǀuide xu  kurusa. Tsî nē ǃās ge ǃgâise ǀnōǂuisa. (J.ǂHa. 21:15-21) Xaweb ge Johaneba ge mû, xū-i noxoba a ǀkhaisa. Kō re, Johaneb tae-e sao rase ra mîba dasa: ‘Tsî ta ge ǁîs ǃnâ tempel-e mû tama ge i; Jehova Elob Hoaǀgaixab a ǁîs di tempel, tsî ǁKhaob tsîna xui-ao. Tsî ǃās ge sores tsî ǁkhâb tsîra ge ǂhâba tama hâ i, ǁîs ǃnâ ra nî ǃnâse; ǂkhaisib Elob dib ǁîsa gere ǃnâǃnâ, tsî ǁKhaob ge ǁîsa lampse hâba i xui-ao’ (J.ǂHa. 21:22, 23) ǁNān hîna ǀasa Jerusalemsa ra kuruǂuin ge Jehovab ǀkha ǀguiba nî hâ. (Heb. 7:27; J.ǂHa. 22:3, 4) Nēs ǃaroma kha ge Jehovab tsî Jesub tsîkha a ǃās di tempel.

16. Elob Gaosib, 1 000 kurigu ǂgaeǂguis ǃnân khoena tae-e nî hōǃâ?

¹⁶ Kaise i ge a ǃgâi ǂkhauhesan ga nē ǃās xa ǂâi o. Xawe ǁnān hîna ǃhūbaisi ǃâubasensa ūhân tsîn ge. ǁÎn ǃâubasens ǃnâ ǃgâiǃgâibasensa nî ūhâ. Elob Gaosib ra 1 000 kurigu ǃnâ ǂgaeǂgui. ǁAeb ǃnâs ge ǀasa Jerusalemsa ǃgôahe ǁoa ǀkhaega nî hā-ū. Johaneb ge nē ǀkhaega, “ǃanu ǃāb, ûib ǁgammi dib ase ra mû.” ‘Tsî ǃāb di ǃnamkha hoakha ais ge ‘ûib di haisa ge mâ i.’ ‘Tsî hais di ǂnaren ge ǃhaodi ǂgauǂgauhes ǃoa hâ.’ (J.ǂHa. 22:1, 2) Hoa khoen hîna ǁnā ǁaeb ai ûi hân ge. Nē ǀkhaega xu ǃgâiba nî hō. Hoa khoen hîna Jehovaba ra ǁnâuǀnaman ge ǀoasa kurusa nî hō. Tsî i ge ǀae-i, tsû-i, ǁgamron tsî ǃoa-i tsîna hâ tide.—J.ǂHa. 21:3-5.

17. ǂHaiǂhais 20:11-13 ra ǁgau khami. 1 000 Kurigu ǂgaeǂguis ǁaeb ǃnâ, ham na ǃgâiba nî hō?

¹⁷ Ham na nē ǀkhaega xu ǃgâiba nî hō? ǂGurose, kai ǃgôab khoen hîna Armagedonsa ra ûi ǃkharun. Tsî ǀasa ǃhūbaib ǃnâ ra ǃnaehe ǀgôan. Xawe ǂHaiǂhais 20ǁî danaǃâs ge ra mîmâi, ǁō hân tsîn khâisa nî hō ǃkhaisa. (Khomai re ǂHaiǂhais 20:11-13 sa.) ǂGomǂgomsa ‘ǂhanu-ain’ tsî ‘ǂhanuoǃnân.’ Jehovab xa ǁkhāǁkhāsens, ǃēsa ge ūhâ tama hâ în ge. ǃHūbaib ai khâisa nî hō. (ǃNǃkh. 24:15; Jhn. 5:28, 29) Nēsa ra ǂâibasen hoa khoen 1 000 kurigu ǂgaeǂguis ǁaeb ǃnâ ǃhūbaib ai khâisa nî hōsa? Hî-î. Ûitsaman a hîna ge Jehovaba ǃoabasa ūǃoa tama hâ în ge khâisa hō tide.  ǁÎn ge ǃēsa ge ūhâ i xawe nē ǃēs. Paradais ǃhūbaib ai ûis disa ge ūǃoa tama hâ i.—Mat. 25:46; 2Tes. 1:9; J.ǂHa. 17:8; 20:15.

18. ǃHūbaiba mati nî ī 1 000 kurigu ǂgaeǂguis ǀams ai?

¹⁸ ǀOadisi [1 000] kurigu ǀams ain ge hoa khoen, hîna ǃhūbaib ai ûi hâna ǀoasa kurusa nî ūhâ. Tsîn ge Adamma xu da ge ǀumi ǁoreb xa tsâǀkhāhe tide. (Rom. 5:12) Adammi ge ǃaroma ǁoreb ge hoase nî ūbēhe. ǁNā ǀgaub ain ge ǃhūbaib ai hâna ‘ǁkhawa nî ûi kaihe.’ ǀOasa kurusan ūhâse, 1 000 kurigu ǀams ai.—J.ǂHa. 20:5.

19. Tae-i ǃaromab ǀuniga ǃâitsâba ǂhâbasa?

¹⁹ ǂAn da ge a Jesub ge ǂgomǂgomsase Elob ǃoa-ai a hâsa. ǁGâuab gere ǃâitsâbi o. Xawe hoa khoen hîna ǀoasa kurusa ūhâna. ǂGomǂgomsase nî hâ ǁGâuab ga ǃâitsâ nî o? ǁGâuab ga 1 000 kurigu ǀams ai tronkhesa xu orehe o. O i ge mâ khoe-i hoa-e, nē dîsa aitsama nî ǃeream. (J.ǂHa. 20:7) ǁNān hîna ǀuniga ǃâitsâb ǃnâ ǂgomǂgomsan ge. ǀAmo ûib tsî ǃnorasasib tsîna nî hō. (Rom. 8:21) ǁNān hîna Jehovaba ra mâǃoan ge ǁGâuab. Tsî ǁîb demongu ǀkha ǀamosib kōse nî hîkākāhe.—J.ǂHa. 20:8-10.

20. ǂHaiǂhais ǂkhanis ǃnâ ra hō-e kēbodi xa du mati ra tsâ?

²⁰ Mati du ra tsâ ǂHaiǂhais ǂkhanis di ǃkhōǀhaos xa? ǃGâise du ra tsâ nē kēbodi ǁaeb ǃnâ ûisa? Nēsa ra ǂkhâǃnâ du î du nau khoena ǁkhau, în sado ǁhao Elob ǃanu ǃoabas ǃnâ? (J.ǂHa. 22:17) Nēsi da go hānîǁaeb ǃnâ nî ī xūn xa ǃhoaǃgao, o da ge a ǂkhî. Tsî apostel Johaneb khami: ‘Amen, Ā hā re ǃKhū Jesutse’ di a mî ǁkhā.—J.ǂHa. 22:20.