Elob ge ra ǂhâba khoen nî ǂkhîb ǃnâ ǃhūbaib ai ûisa. ǁÎb ge xūn hoana ǃhūbaib ai ge kuru khoenab a ǀnam amaga. ǀGūǁaeb ge khoena ǃgâi ûi ǁaeba nî hā-ūba mâ ǃhūb hoab ǃnâ. ǁÎb ge khoesib hoaba nîra ǃnora kai ǃgomsiga xu.​—Khomai re Jeremiab 29:11.

Khoesi ǂhanu-i xare-i ge dīhō tama ǂkhawadīb, ǀaegu, tamas ka io ǁōba ūbēsa. Xawe ǃgâiǂhôas ge hâ. ǀGūǁaeb ge Eloba khoesi ǂhanuga nîra ǃkhōǃkhuni ǁÎb di ǂhanub ǀkha. ǁNā ǁanǂgāsaben ge ǃgâib, ǂkhîb tsî ǃgâi ǂurusiba nîra ǀama.​—Khomai re Jesajab 25:8; 33:24; Danieli 2:44.

ǃGomsigu hoara-u nî ǀuni ǀgaus ge Elob ga ǁgai khoena ǃhūbaiba xu ūbē o. (Tsefanjab 2:3) Mâǁaes ǁnāsa nî ī? Elobmîs ge nētsēn khoena ūhâ ǃaoroxa mâsiba ge aimûǀgaru. Nētsē ra ī xūn ge ra ǁgau Elob ǁaeb go mâtoasa.​—Khomai re 2 Timoteub 3:1-5.

Elob xa da ge nî ǁkhāǁkhāsen Elobmîsa xu. Nēs ge sîǂkhani i khami i sada ǃoa ǀnamǀnamsa dadasaba xu ra hāsa. Mîba da ra mati da ǃgâi ûiba nēsi a ūhâ ǁkhā ǀgausa tsî mati da ǂkhîba hānîǁaeb ǃnâ ǀamo ûib ǃnâ a ūhâ ǁkhā ǀgaus tsîna. Ama a ǃkhais ge ǀnî khoen ǃgâibahe tite sa sats ta ǃkhōǃoa huib ǃaroma, Elobmîsa ǁnâuǃās diba. Xawe nē ǃēs ǃgâi hānîǁaeb tis ge a ǂoaǃnâhe ǁoa.​—Khomai re ǂKhoa-mîdi 29:25; ǂHaiǂhais 14:6, 7.