ǀAsase ǃgamme hâ khoen ge ra ǂâi. ǁÎn ǃgamme tsēs ain gere hōǃâ ǂkhîb hoaǁae nî hâhâ ti. Nēs ge a īǁkhā. Xristeǁîn hîna gaxuse ǃgamme hân. Tsî ǃgarise ra dītsân Elobmîs ǁgaraga saosan. Ge a ǂan nēs a īǁkhā ǃkhaisa.

1. Elobmîsa tae daoǁgausa aoga ra mā?

Jehovab ge aoba oms danab ase ǁgaumâi hâ. (Khomai re Efeseǁîn 5:​23 sa.) Jehovab ge ra ǂgaoǀkhā bi. Îb omaris ǃaroma a ǃgâi mîǁguiga dī. Elobmîs ge aoga ra mîba: “Sago aogo sago taradi ǂûde ǀnam.” (Efeseǁîn 5:​25) Nēsa tae-e ra ǂâibasen? ǀNamxaǃnâ aob ge ǁîb di tarasa. Oms ai tsî ǀnî khoen ǀkha ra ga hâ, ǁaeb ai ǃgâise ra hâ-ū. ǁÎb ge ra ǁkhaubasi. Tsî ǁîs di sorosi ǂhâsigu tsî tsâsigu tsîna ra kōǃgâ. (1 Timoteub 5:8) Tsî ǂhâǂhâsaseb ge ǁîsa nî hui. Îs ǀgū ǀhōsagusisa Jehovab ǀkha ūhâ. (Mateub 4:4) Aiǁgauseb ge ǁîs ǀkha ǀgore tsî. Elobmîsa nî khomai. Aob ga ǀnamxaǃnâ ǀgaub ǃnâ ǁîb di tarasa kōǃgâ o. Ob ge ǁîb di ǀhōsagusis hînab Jehovab ǀkha ūhâsa ra ǀgaiǀgai.​—Khomai re 1 Petrub 3:7 sa.

2. Elobmîsa tae daoǁgausa tarade ra mā?

Elobmîs ge taradi ǃoa ra mî, î di ǃgam ‘ǃgôasiba ǁîdi aoga’ ūhâba. (Efeseǁîn 5:​33) Nēsas mati a dī ǁkhā? ǁÎs ge ǁîs aob di ǃgâi ǀgaugu xa a ǂâi ǁkhā. Tsî xūn hînab ǁîs tsî ǁîra ǀgôana kōǃgâs ǃaroma ra dīn xa. Aobas ge a hui ǁkhā. Îb ǃgâi mîǁguiga dī. Tsî ǁîb ǀkha ǃgâise ǃhoa. Tsî ǁgai xūna ǁîb xa ǃhoa tide. Jehovabab ga ǃoaba tama i xawe.

3. Matin ǃgamme hâ khoena ǁîn ǃgammeba a ǀgaiǀgai ǁkhā?

Elobmîs ge ǃgamme hâ khoen xa ra mî: “O ra ge nî ǀgui ǁgan kai.” (Mateub 19:5) Nēs ge ra ǂâibasen, xūn hîna ǁîra di. ǀNamma nî ǂkhabu kain ǃoagu ra nî ǃkhamsa. Nēsa ra ge hoaǁae ǀguiba ǁaeba ūhâs. Tsî ǁîra ǂâidi tsî tsâsigu tsîna. ǂHauǃnâse ǀgoragu ūgus ǃnâ a dī ǁkhā. ǁÎra ge xū-i xare-i tamas ka io khoe-e mā-am tama hâ î-i. ǁÎra ǃgamme hâ khoe-i xa ǂhâǂhâsa. Xawe Jehovab ǀguiba ra mā-am. ǁÎra ge ǀnî hâ khoe-i ǀkha kaise ǀgū ǀhōsagusisa omkhâi tama hâ.

 ǃGAMSE ÔAǃN RE

4. Aogo, sago tarade ǀnam tsî kōǃgâ re

 5. Taraso, saso aoga ǀnam tsî ǃgôa re

Elobmîs ge tarade ra ǂkhâǃnâ. Î di ǁîdi aoga ǃgôasiba ūhâba. Jehovabab ga ǃoabas tamas kai o ǃoaba tama i xawe. Khomai re 1 Petrub 3:​1, 2 sa. Tsî sao ra dîsa ǃhoaǃgao re:

• Jehovaba ǃoaba tama aoba du ga ūhâ o. O du ge ǁîb Jehovaba nî ǃoabasa ra ǂgao. Tae-e nî ǃgâi, ti du ra ǂâi. Hoaǁae aoǁnâba bisa? Tamas ka io ǃgâise tanisen tsî ǃgôasiba ǁgau bisa? Tsî tae-i ǃaroma?

Aogu tsî taradi tsîn ge ǀguiba ǃgâi mîǁguiga a dī ǁkhā. Xawe ǁaen ais ge tarasa ǁîs aob di mîǁguiga ǂkhâǃnâ ǂgao tide. Xawes ge ǁîs ti tsâsiba tsaura. Tsî ǃamku ǀgaub ǃnâ a mîǃā ǁkhā. Tsîs ge nî mûǂan, Jehovab ge aoba ge ǁgaumâi îb mîǁguiga dī. Hîna omaris ǃgâib ǃgao hâga. Hoa xūnas ge nî dī, îs ǁîs di aoba ǂkhâǃnâ. Nēsas ga dī o, ob ge ǂkhîba oms ai nî hâ. Khomai re 1 Petrub 3:​3-5 sa. Tsî sao ra dîsa ǃhoaǃgao re:

• Jehovaba mati ra tsâ taras ga ǁîs aoba ǃgôasiba ǁgau o?

6. ǃGammeb ǃnâ hâ ǃgomsina du ge a sîsenǂam ǁkhā

 ǃKHŌǀHAOS

Aob tsî taras tsîn ge ǂkhîba a ūhâ ǁkhā. ǀNamgu ra ga o. Tsî ǃgôasiba ra ga ǁgaugu. Tsî Elobmîs ra mî xūna sao o.

ǁKhāǁkhāsen du go xūna ǂâiǃgâs

• Matib aoba ǂkhîba ǃgammeb ǃnâ a ǁgau ǁkhā?

• Matis tarasa ǂkhîba ǃgammeb ǃnâ a ǁgau ǁkhā?

• ǃGamme du ga o, mâ Elobmîs ǁgaraba nî hui du sadu ǃgammeba ǀgaiǀgais ǃnâ?