6ǁÎ ǁKHĀǁKHĀǃÂS
Ûiba mati ge tsoatsoa?
“Sa [Elob, NW] tawas ge ûib di” tsoatsoasa hâ. (Psalmdi 36:9) Nēsa ǂgom î du ra? ǀNî khoen ge ra ǂgom ûib ge hās ǀguisa a hî di. Tamas ka io kuru-ao-i a ǀkhai di ra mî. ǁNās ga ama o, o du ge hās ǀguisa ge hî. Xawe Jehova Elob ga kuru-ao-o, ob ge ûiba ǂâibasensa nî ūhâ. Ama tama-e? a Khomai re, Elobmîs tae-e ûib di tsoatsoas xa ra mîsa. ǃGâi ǃaromade du ge ūhâ ǁnāsa ǂgomsa.
1. ǀHommi tsî ǃhūbaib tsîna mati ge kuruhe?
Elobmîs ge ra mî: “Tsoatsoas ǃnâb ge Eloba ǀhommi tsî ǃhūbaib tsîkha ge kuru.” (Genesis 1:1) ǂAnsa ūhâ ôaǃnâ-aon ge ra mî ǀhommi tsî ǃhūbaib tsîn tsoatsoasa ūhâ di. Eloba mati ǀhommi tsî ǃhūbaib tsîna ge kuru? ǁÎb ge ǁîb ‘gagaba’ ge sîsen-ū. Tsî ǁîb di ǃanu gagab ǀkha ǀhommi tsî ǃhūbaib, ǃnâ hân hoana ge kuru. ǀGamirodi tsî planeti tsîna ǃkhōǂgā hâse.—Genesis 1:2.
2. Eloba tae-i ǃaroma ǃhūbaiba ge kuru?
Jehovab ge ǃhūbaiba “kuru tama, ǀkhaiǃnâseb nî hâga, tsîb ge ǁîba ge dī, ǁîb nî ǁanǃnâhega.” (Jesajab 45:18) ǁÎb ge ǃhūbaiba ge kuru, î du ǁkhoaxase ǀamose hâga. (Khomai re Jesajab 40:28; 42:5 sa.) ǂAnsa ūhâ ôaǃnâ-aon ge ra mî, ǃhūbaib ge a ǂoaǂamsa. ǃHūbaib ǀguib ge khoen xa a hâǃnâhe ǁkhā.
3. Khoena, xamanina xu mati ra ǀkhara?
Jehovab ge ǃhūbaiba kuru toa o, ob ge ûitsama xūna ǃhūbaib ai ge kuru. ǂGuroseb ge hain tsî xamanin tsîna ǃhūbaib ai ge kuru. Tsî ǁnāpaxub ge “Eloba khoeba,” ǁîb īsib ǃoa ge kuru. (Khomai re Genesis 1:27 sa.) Tae-e khoena ra ǀkhara kai? Elob īsiba ǃoa du kuruhe hâ amaga du ge, ǁîb ǀgauga ūhâ. Aiǁgause, ǀnammi tsî ǂhanu-aisib tsîna. ǁÎb ge ǁkhāsib ǀkha ge kuru du, î du ǀkhara gowaga ǁkhāǁkhāsen. Î du, îxa xūn tsî musiki tsîn xa ǃgâibahe. Xamanin ge Eloba a ǃoaba ǁoa. Xawen ge khoena Eloba a ǃoaba ǁkhā.
ǃGAMSE ÔAǃNÂ RE
ǂÂiǃgâ re, ûib ge a tsoatsoa ǀgausa. Tsî Elomîs kurus xa ra mî i ge a ǁnâuǃāxa. ǁKhāǁkhāsen re, khoen ūhâ ǀgaugu ge Elob xa xū-e ra ǁkhāǁkhā du.
4. Ûib ge tsoatsoasa ūhâ
Khoen ge koasa ra hō, kurusa xūnan ra ǁgae amaga. Xawe ham-e kurusa xu koasa nî hō? VIDIOBA ǀhuru re. Tsî ǃnāka hâ dîsa ǃhoaǃgao re.
-
Khoena tae-e kurusa xu ge ǁgae?
Mâ oms hoas ge khoe-i xa ge kuruhe. Xawe ham-e xūn ǃhūbaib ai hâna ge kuru? Khomai re Hebreǁîn 3:4 sa. Tsî ǃnāka hâ dîra ǃhoaǃgao re:
-
Tae-e kurus ǃnâ ra mâǂoaba du?
-
ǂGom du ra, ǃhūbaib tsî ǁîb ai hân ge kuruhesa? Tsî tae-i xa?
ǂAn i du go i?
Nē ǁkhāǁkhāsa du ge vidiogu ǃâb hîna jw.org ǃnâ hâb ǃnâ nî hō. “Kuruhe i ge?” tsî “Ûib ge tsoatsoa ǀgaus di ǂâiǀgaugu.”
“Mâ om-i hoa-i khoe-i xa ra kuruhe xui-ao; xawe xūn hoana ge kurub ge a Elo”
5. Elobmîs ra kurus xa mî i ge a ǁnâuǃāxa
Genesis di ǂguro danaǃâs ǃnâs ge Elobmîsa ǃhūbaib tsî ûib tsoatsoas xa ra mîba du. ǁÎs ra mî-e ǂgom i du ra? Tamas ka io ama tama i hâ? VIDIOBA ǀhuru re. Tsî ǃnāka hâ dîra ǃhoaǃgao re.
-
Elobmîsa ra ǁkhāǁkhā ǃhūbaib tsî ûitsama xūn ge ǃnani tsēdi ǃnâ a kuruhesa?
-
ǂÂi i du ra, Elobmîs ra kurus xa mî, i a ǁnâuǃāxasa? Tsî tae-i ǃaroma?
Khomai re Genesis 1:1 sa. Tsî ǃnāka hâ dîsa ǃhoaǃgao re:
-
ǂAnsa ūhâ ôaǃnâ-aon ge ra mî, ǀhommi tsî ǃhūbaib tsoatsoasa ūhâsa. ǁÎn ra mî i tsî Elobmîs ǃnâ du go khomai-e mati ra ǃgûǀhao?
ǂGui khoen ge ra ǂâi, Elob ge ǀgui xū-e kuru tsîn ge nau xūn hoana ǁî-e xu a hāsa. Khomai re Genesis 1:21, 25, 27 sa. Tsî ǃnāka hâ dîsa ǃhoaǃgao re:
-
Elobmîsa ra mî, Elob ge xamani-e kuru tsî khoe-i ǃnâ a ǀkharaǀkharasa? Tamas ka iob ge ‘hoa’ ûitsama xūna kuru? b
6. Elob ge khoena ǂoaǂamsase ge kuru
Khoen ge a ǀkhara xamanin hîna Jehovab xa kuruhe hân xa. Khomai re Genesis 1:26 sa. Tsî ǃnāka hâ dîsa ǃhoaǃgao re:
-
Elob di īsib ǃoa du kurusa amaga du, ǀnammi tsî ǀkhomxaǂgaosib tsîna ra ǁgau, ǁîb khami?
MATI DU NÎ ǃEREAM KHOE-I GA MÎ O: “Elobmîs kurus xa ra mî, i ge ama tama.”
-
Mati du nî mî? Tsî tae-i ǃaroma?
ǃKHŌǀHAOS
Jehovab ge ǀhommi tsî ǃhūbaib tsî hoa ûitsama xūna ge kuru.
ǁKhāǁkhāsen du go xūna ǂâiǃgâs
-
Elobmîsa tae-e ǀhommi tsî ǃhūbaib di kurus xa ra mî?
-
Eloba ǀgui xū-e ge kuru tsîn ge hoa xūna ǁnā xū-e xu hā. Tamas ka iob ge ‘hoa’ ûitsama xūna kuru?
-
Tae-i ǃaroman khoena a ǂoaǂamsa?
ÔAǃNÂ
Aiǁgau-e mû re, ǁgau ra-e kuru-aob hâsa.
“Kurusa tae-e ra ǁkhāǁkhā da?” (ǂKhaikari hâb, Septemberi 2006)
Kō re, matib ra papasaba ǀgôaba kurus xa ǁkhāǁkhāsa.
Khomai re, khoen tsî Elobmîs kurus xa ra mî-e.
“Eloba ǀgui xū-e ge kuru tsîn ge hoa xūna ǁnāpaxu hā?” (Internets ai hâ ǁkhāǁkhādi)
Ôaǃnâ re, ǀorokamǁaeb ǂkhōn tsî ǂansa ūhâ ôaǃnâ-aon ra ǁgausa ûib ge kuruhesa. Tamas ka io hās ǀguisa hîsa.
Ûib di tsoatsoas—tsî koro dîdi hîna da a dî ǁkhādi (ǂkhanib)
a 25ǁÎ ǁkhāǁkhāǃâs ge Elob khoena ūba hâ ǂâibasens xa nî ǃhoa.
b Elobmîs ǃnâs ge ‘hoa’ di hâ mîsa ǂgui ûitsama xūna ǃoa ra ǁnaeǁgau.
