Hoa da ge dîde ūhâ, ûib, ǃgomsin, ǁōb tsî hānîǁaeb xas tsîna. Tsî da ge tsēs hoasa ra ī xūn xas tsîna ra ǂâi. Mati da mari-e nî hōs tsî ǂkhîsa omarisa nî ūhâs tsîna. ǂGui khoen ge ge hōǃâ, Elobmîs ûib kai dîdi ǀguide ǃeream tamasa. Xawe ǃgâi ǀapede ra māsa ûib ǃaroma. ǂÂi i du ra, Elobmîs sadu a ǂan khoe-e a hui ǁkhāsa?

1. Elobmîsa mâ dîde a ǃeream ǁkhā?

Elobmîs ge saora ǂhâǂhâsa dîde ra ǃeream: Ûiba mati ge tsoatsoa? Ûib di ǂâibasensa a tae? Tae-i ǃaroman khoena ǃgomsina ra tsâ? Tae-e ra ī ǁō da ga o? Hoa da ga ǂkhîba ǂhâba o, tae-i ǃaroma gu toroga hâ? Tae-e nî ī hānîǁaeb ǃnâ ǃhūbaib ǀkha? Elobmîs ge ra ǂkhâǃnâ du, î du nē dîdi ǃereamde hō. Miliundi khoen ge nē dîdi ǃereamde ge hō, ǂkhîǂkhîsade.

2. Elobmîsa mati tsēs hoasa a hui du ǁkhā?

Elobmîs ge ǃgâi ǀapede ra mā. Aiǁgause, ǁîs ge ra ǁkhāǁkhā, matin omaris khoena ǂkhîba a ūhâ ǁkhā ǀgausa. Elobmîs ge ǂkhabuǂâi da ga o ra hui da. Tsî dī da ra sîsen-i, mati nî ǃgâibadas ǀkha ra hui da. ǁKhāǁkhāsen du ge nî Elobmîs taena, nē xūn xa ra mîsa. Nēna du ra ǁkhāǁkhāsen khami du ge ǁnāsa nî mû. Nēs ge nî amaba du ‘Xoas hoas [Elobmîs ǃnâ hâ xūn hoan] ge a ǃgâi.’​—2 Timoteub 3:​16.

4. Elobmîs ge sadu dîde a ǃeream ǁkhā

 5. Elobmîsa khomais ge a ǁkhoaxa

6. Khoen ge a hui du ǁkhā, Elobmîsa ǁnâuǃāsa

Elobmîsan ǁîn aib ai ra khomai xawen ge khoena ge mûǂan nau khoen ǀkha ǀgoragus ǃgâiba ra hausa. Khomai re ǃNaeǃkhaidi 8:26-31 sa. Tsî ǃnāka hâ dîsa ǃhoaǃgao re:

• Mati du Elobmîsa nî ǁnâuǃā?​—30 tsî 31ǁî ǁaraǃāra khomai re.

 ǃKHŌǀHAOS

Elobmîs ge tsēs hoasa du ūhâ dîde ra ǃeream. Tsî khoena ǁkhaeǂgaos tsî ǃâubasensa ra mā.

ǁKhāǁkhāsen du go xūna ǂâiǃgâs

• Mâ ǀapemāde du Elobmîs ǃnâ ra hō?

• Elobmîsa mâ dîde ra ǃeream?

• Tae-e du Elobmîsa xu ra ǁkhāǁkhāsen ǂgao?