၂၀၂၄ ခုနှစ်၊ စက်တင်ဘာ ၇ ရက်၊ အင်္ဂလန်နိုင်ငံ၊ ချမ်းစဖို့မြို့က တိုးချဲ့ဆောက်လုပ်ထားတဲ့ အဆောက်အအုံတွေမှာ ဗြိတိန် ဒေသကြီးဆိုင်ရာ ဗီဒီယိုအဖွဲ့ (RVT) က ရိုက်ကူးရေး စတင်လုပ်ဆောင်နေပါပြီ။ ဒီအဆောက်အအုံသစ်မှာ ဒုတိယမြောက် ရိုက်ကူးရေး စတူဒီယို၊ အသံသွင်း စတူဒီယို၊ အသံဖိုင်နဲ့ ဗီဒီယို တည်းဖြတ်တဲ့အခန်း ပါဝင်တယ်။ ဒီစီမံကိန်းကို ညီအစ်ကို၊ ညီအစ်မ ၉၀ ကျော် ကူညီဆောက်လုပ်ခဲ့တယ်။

ရိုက်ကူးရေးစတူဒီယို နှစ်ခု ရှိလာတဲ့အတွက် တစ်ချိန်တည်းမှာ စီမံကိန်း နှစ်ခု ပြိုင်တူလုပ်ဆောင်နိုင်ပြီ။ ဒါပေမဲ့ စတူဒီယိုနှစ်ခုလုံး အသံလုံးဝ လုံဖို့တော့ လိုအပ်တယ်။ ဒါကြောင့် အခန်းတွေဖွဲ့တဲ့အခါ ဘိလပ်မြေ ကျောက်ပြား၊ အသံစုပ်ယူနိုင်တဲ့ နံရံအချပ်ပြားတွေ တပ်ဆင်ပြီး စတူဒီယိုရဲ့ အတွင်းဘက်ရော အပြင်ဘက်ကိုပါ အသံလုံအောင် တပ်ဆင်ရတယ်။ ဒါ့အပြင် မလိုအပ်တဲ့အသံ မဝင်စေဖို့ အသံထွက်နှုန်းနည်းတဲ့ လေပေးစက်တစ်မျိုးနဲ့ အထူးကြမ်းပြင်တစ်မျိုးကိုလည်း တပ်ဆင်ခဲ့တယ်။

ဗြိတိန်ဌာနခွဲကော်မတီဝင် ညီအစ်ကို ပေါလ် နော်တန် အခုလို ပြောတယ်– “တိုးချဲ့အဆောက်အအုံသစ်တွေ ရှိလာလို့ စိတ်လှုပ်ရှားရပါတယ်။ ဒီအဆောက်အအုံတွေကြောင့် အရည်အသွေးမြင့်တဲ့ အသံဖိုင်တွေ၊ ဗီဒီယိုတွေ ပိုထုတ်လုပ်နိုင်ပြီ။ ညီအစ်ကို အသင်းအပင်းတစ်ရပ်လုံးအတွက် အချိန်တန်အစာ ပြင်ဆင်ပေးတဲ့ ‘သစ္စာနဲ့ သတိပညာရှိတဲ့ ကျွန်’ ကို ထောက်မရတာ တကယ့်အခွင့်ထူးပါပဲ။”—မဿဲ ၂၄:၄၅။

ဆောက်လုပ်ရေး စီမံကိန်းနောက်ကွယ်က ကြိုးပမ်းမှုတွေအားလုံးအတွက် ကျေးဇူးတင်ပါတယ်။ ဒီနေရာမှာ ထုတ်လုပ်မယ့် ကျမ်းစာအခြေပြု ဗီဒီယိုတွေကြောင့် “မဟာသွန်သင်ရှင်” နဲ့ ပိုရင်းနှီးလာပြီး ဘုရားကိုလည်း ဂုဏ်တင်ချီးမွမ်းမှုဖြစ်စေမယ်ဆိုတာ ယုံကြည်စိတ်ချပါတယ်။—ဟေရှာယ ၃၀:၂၀။