အသက်​ဆိုတာ အဖိုး​မ​ဖြတ်​နိုင်တဲ့ လက်ဆောင်​ဖြစ်တယ်။ ဒါကို တန်ဖိုးထားကြောင်း အသက်ရှင်နေထိုင်ပုံနဲ့ တင်ပြ​နိုင်ပါတယ်။ ယေဟောဝါ​သက်သေတွေ​ဟာ ကိုယ့်​ပင်ကိုစွမ်းရည်တွေကို​သုံးပြီး အသက်ပေးရှင် ယေဟောဝါကို ဂုဏ်တင်ချီးမွမ်း​ကြ​တ​ယ်။ (ဆာ. ၃၆:၉။ ဗျာ. ၄:၁၁) ဒီလောက​စနစ်​ရဲ့ စိုးရိမ်ပူပန်​စရာ​တွေကြောင့် ဝတ်ပြုရေး​နဲ့ ဆိုင်​တာတွေကို အလွယ်တကူ ဘေးဖယ်​ထား​မိ​နိုင်တယ်။ (မာ. ၄:၁၈၊ ၁၉) ကိုယ့်ကိုယ်ကိုယ် ဒီလို​မေးသင့်တယ်– ‘ငါ​ဟာ ယေဟောဝါကို တကယ်ပဲ အကောင်းဆုံး ပေးဆက်​နေ​သလား။ (ဟော. ၁၄:၂) ငါ့ရဲ့​အလုပ်​က ယေဟောဝါ​အမှုဆောင်ဖို့ ထိခိုက်​စေသလား။ ဘုရား​အမှုဆောင်ဖို့ ဘာ​ပန်းတိုင်တွေ​ရှိ​လဲ။ အမှုဆောင်​လုပ်ငန်းကို ဘယ်လို တိုးချဲ့​နိုင်မလဲ။’ တိုးတက်​ဖို့ လို​တဲ့​နေရာတွေ​ကို သတိထား​မိရင် ပြုပြင်​နိုင်အောင် ယေဟောဝါ​ဆီ ဆုတောင်း​ပါ။ ယေဟောဝါကို နေ့တိုင်း ဂုဏ်တင်ချီးမွမ်း​နေမယ်​ဆိုရင် ပျော်ရွှင်ချမ်းမြေ့​တဲ့​ဘဝ ပိုင်ဆိုင်​ရပါလိမ့်မယ်။—ဆာ. ၆၁:၈။

သင့်ရဲ့ ပင်ကိုစွမ်းရည်ကို ယေဟောဝါ​အတွက် အသုံးပြုပါ ဗီဒီယိုကို ကြည့်ပြီး ဒီ​မေးခွန်းတွေကို ဆွေးနွေးပါ။

• ကိုယ့်​ပင်ကိုစွမ်းရည်တွေကို စာတန့်​လောကမှာ အသုံးချ​တာ ဘာကြောင့် ပညာမဲ့​သလဲ။ (၁ ယော. ၂:၁၇)

• ယေဟောဝါကို အကောင်းဆုံး​ပေးဆက်​သူတွေ ဘာ​ကောင်းချီးတွေ ရသလဲ။

• ကိုယ့်​ပင်ကိုစွမ်းရည်နဲ့ ကျွမ်းကျင်မှု​တွေမြတ်​တဲ့​လုပ်ငန်း​ရဲ့ ဘယ်​ကဏ္ဍ​တွေမှာ အသုံးချ​နိုင်မလဲ။