ဘာကြောင့် အရေးကြီး– သတင်းကောင်းကို ဘာသာစကား အမျိုးမျိုး​ပြောတဲ့ လူတွေ လက်ခံ​မယ်လို့ ဇာခရိ ကြိုဟော​ခဲ့တယ်။ (ဇာ ၈:၂၃) သူတို့ကို ဘယ်သူ သင်ပေး​မ​လဲ။ (ရ ၁၀:၁၃-၁၅) ရပ်ကွက်​ရှိ လူတိုင်း​ဆီ သတင်းကောင်း သွား​ပြော​ဖို့ ကျွန်တော်တို့ အခွင့်အရေး​ရထား​ပြီး တာဝန်​လည်း ရှိတယ်။ —od ၈၄ ပိုဒ်. ၁၀-၁၁။

လုပ်ဆောင်နိုင်ရာ–

• ပြင်ဆင်​ပါ။ ဘာသာခြား​စကား ပြော​သူတွေနဲ့ တွေ့ရ​သလား။ JW Language app ကိုသုံးပြီး သူတို့​စကားနဲ့ တင်ဆက်​တတ်ဖို့ သင်ယူ​ထားပါ။ ဖုန်း၊ တက်ဘလက်​ကို သုံးပြီး jw.org က​နေ သူ့​စကားနဲ့ လေ့လာ​နိုင်​ပုံကို ပြ​ပေးပါ။

• မျက်စိရှင်​ပါ။ တစ်အိမ်မှတစ်အိမ် အမှုဆောင်​နေရင်း လမ်းသွားလမ်းလာ၊ ကား​ထဲ​ထိုင်​နေ​သူတွေ​ကို သက်သေခံခွင့်​ရ​ရင် ဟောပြော​ပါ။ လူထုရှေ့သက်သေခံခြင်း​မှာ ပါဝင်​နေရင် သက်သေခံဖို့ ရည်ရွယ်ချက်​ကို မမေ့​ပါနဲ့။

• လုံ့လ​ရှိပါ။ လူ​မ​တွေ့​တဲ့​အိမ်​တွေကို ပြန်သွား​ဖို့ ကြိုးစားပါ။ အချိန်​ပြောင်း၊ နေ့ရက်​ပြောင်း​ပြီး ပြန်သွား​ကြည့်ပါ။ အိမ်ရှင်​တချို့ကို စာရေးနိုင်၊ ဖုန်းဆက်​နိုင်၊ လမ်းပေါ်​သက်သေခံ​တဲ့အခါ တွေ့နိုင်တယ်။

• ဆက်လိုက်ပေး​ပါ။ စိတ်ဝင်စားသူ​ဆီ​ကို ချက်ချင်း ပြန်သွား​ပါ။ သူက ဘာသာခြား​စကား ပြောတယ်​ဆိုရင် သူ့​စကား​တတ်တဲ့​သူနဲ့ ချိတ်​ပေးပါ။ အ​ချိတ်​အဆက် မရ​မချင်း သူ့ကို ဆက်​ကူညီပေး​နေ​ပါ။—o​d ၉၄-၉၅ ပိုဒ်. ၃၉-၄၀

“ကမ္ဘာမြေ အစွန်အဖျား​အထိ” ဟောပြော​ပါ ဗီဒီယို​ကြည့်ပြီး မေးခွန်း​တွေ ဆွေးနွေးပါ–

• ဝေးလံတဲ့​ရပ်ကွက်​ဆီ သွား​ဟော​ဖို့ ညီအစ်ကို၊ ညီအစ်မ​တွေ ဘယ်လို ပြင်ဆင်​ကြ​သလဲ။ (၁က ၉:၂၂၊ ၂၃)

• ဘယ်​အခက်အခဲတွေကို ကျော်လွှား​ခဲ့ရ​သလဲ။

• ဘာ​ကောင်းချီးတွေ ရခဲ့​သလဲ။

• သင့်​ရပ်ကွက်​မှာ လူများများကို ဟောပြော​ဖို့ ဘယ်လို ကြိုးစား​နိုင်သလဲ။