ယေရှုဟာ အထူးသဖြင့် ကျွန်တော်တို့ စမ်းသပ်မှု၊ နှိပ်စက်ညှဉ်းပန်းမှု ခံရချိန်မှာ လိုက်လျှောက်​ဖို့ စံနမူနာ​တစ်ခု ထားခဲ့တယ်။ (၁ပ ၂:၂၁-၂၃) စော်ကား​ခံရတဲ့အခါ၊ ဆင်းရဲဒုက္ခ​ခံရတဲ့​အခါမှာ​တောင် လက်တုံ့​မပြန်ခဲ့ဘူး။ (မာ ၁၅:၂၉-၃၂) ခံရပ်နိုင်​ဖို့ သူ့ကို ဘာက ကူညီ​ပေးခဲ့သလဲ။ ယေဟော​ဝါရဲ့ အလိုဆန္ဒ​အတိုင်း လုပ်ဖို့ စိတ်ပိုင်းဖြတ်​ထား​လို့​ပဲ။ (ယဟ ၆:၃၈) “ရှေ့မှာ​ရှိတဲ့ ဝမ်းမြောက်စရာ​အကြောင်း” ကိုလည်း သူ အာရုံစိုက်​ခဲ့​တယ်။—ဟီ ၁၂:၂။

ယုံကြည်ခြင်း​ကြောင့် မတော်မတရား ဆက်ဆံခံရ​ရင် ဘယ်လို တုံ့ပြန်ကြမလဲ။ ခရစ်ယာန်​စစ်​တွေဟာ “အဆိုးကို အဆိုးနဲ့ မတုံ့ပြန်” ကြ​ဘူး။ (ရ ၁၂:၁၄၊ ၁၇) ဆင်းရဲဒုက္ခ​ခံရတဲ့အခါ ခရစ်တော် ခံရပ်ခဲ့တဲ့ နည်းကို အတုယူမယ်​ဆိုရင် ဘုရားသခင်ရဲ့ နှစ်သက်မှု​ရ​ရှိလို့ ဝမ်းမြောက်​နိုင်ပါတယ်။—မ ၅:၁၀-၁၂။ ၁ပ ၄:၁၂-၁၄။

ယေဟော​ဝါရဲ့​နာမတော်ကသာ အရေး​အကြီးဆုံး​ပါ​ပဲ ဗီဒီယိုကို ကြည့်ပြီး အောက်ပါမေးခွန်းတွေကို ဖြေပါ–

• ညီအစ်မ ပေါ့ဇင်ဂါဟာ တစ်ယောက်တည်း သီးခြား​ထောင်ချ​ခံရတဲ့အခါ အချိန်ကို ပညာရှိရှိ ဘယ်လို​အသုံးပြု​ခဲ့သလဲ။

• ညီအစ်ကို​နဲ့ ညီအစ်မ ပေါ့ဇင်ဂါဟာ ချွေးတပ်စခန်းတွေမှာ ဘယ်လို​ဆင်းရဲ​ဒုက္ခတွေကို ခံခဲ့ရ​သလဲ။

• ခံရပ်နိုင်​ဖို့ သူတို့ကို ဘာက ကူညီ​ပေးခဲ့သလဲ။